八方棧

Open Now

Now Closed

酒樓喺科學園一期，有戶外座位，對住個全海景，非常舒適，都可以揀室內座位，酒樓晚市有各類型嘅特價套餐，今次試咗一個四人餐，質素唔錯。香醋四川大虎蝦球四隻巨型虎蝦，蝦🦐好新鮮彈牙，個汁用左香醋調，好惹味，有少少辣，開胃！蒜香牛油黑皮雞樅菌第一次試呢款黑皮雞樅菌，口感好特別，我覺得好食過平時食開嘅金菇、雞髀菇之類嘅菌類，而且用咗好重嘅牛油同牛油去炒，香口👍🏼👍🏼魚米蛋白蟹鮮茄羹個羹都好好飲，落足料，淡淡都有蟹肉，而且蟹肉好鮮甜，連埋蛋白同蕃茄粒，好有口感。清蒸游水龍躉條魚又滑又彈牙，肉質好好，如果可以再大條啲就完美了。瑤柱貴妃雞貴妃雞肉質夠實淨，有口感，唔係廉價嘅雪藏雞，配埋個薑蓉醬，好味。