Video
Read full review
2021-09-27
386 views
星期六同朋友去咗科學園踩單車🚲，咁大運動量嘅一日就當然要食返餐飽嘅。科學園入面有唔少餐廳，我哋見「農」咁多人幫襯，就一於試吓。餐廳超高人氣👏，無論室內外嘅座位都全部坐滿。唔好忘記，餐廳面積其實好大，座位又多。牆畫色彩繽紛，並以香港特式作為主題🇭🇰。山寨叉燒($168)，話明山寨，即係A貨啦🅰️，A貨原來係將燒豬肉換上燒牛肉，咁唔係仲升級咗咩？🥩燒牛肉同叉燒嘅相似度足九成，同樣以蜜糖烤燒，而且亦都係半肥瘦，幾可亂真。蜑家水果粟($78)，我會稱佢為避風塘炒粟米🌽。粟米用上水果粟，即係比一般粟米還要甜；避風塘炒蒜粒則係辣辣的。甜味碰上辣味，完全係味覺嘅衝擊。農莊包點：BB雞($49/2隻)以及牛榛仔($49/2隻)，麵包造型好得意😍。雞仔係叉燒包，而牛仔嘅夾心餡係榛子朱古力醬，一鹹一甜。包嘅外層唔會蒸到濕晒，質感亦夠軟熟。墨魚蝦餃($53)，蝦餃有啲心思，餃皮混入墨汁搓，所以呈黑色的，而且仲有兩隻眼仔裝可愛👀。蝦餃大大粒，入裡包住爽彈蝦肉🍤。爆汁乳鴿(原價$68)，餐廳現時做緊推廣🈹，凡每兩位惠顧則贈送乳鴿一隻，難怪每一枱人都啜緊手指。乳鴿燒得香脆多汁，呢度提供埋手套俾你落手食，咁先係最正宗
星期六同朋友去咗科學園踩單車🚲，咁大運動量嘅一日就當然要食返餐飽嘅。科學園入面有唔少餐廳，我哋見「農」咁多人幫襯，就一於試吓。
餐廳超高人氣👏，無論室內外嘅座位都全部坐滿。唔好忘記，餐廳面積其實好大，座位又多。牆畫色彩繽紛，並以香港特式作為主題🇭🇰。
山寨叉燒($168)，話明山寨，即係A貨啦🅰️，A貨原來係將燒豬肉換上燒牛肉，咁唔係仲升級咗咩？🥩燒牛肉同叉燒嘅相似度足九成，同樣以蜜糖烤燒，而且亦都係半肥瘦，幾可亂真。
蜑家水果粟($78)，我會稱佢為避風塘炒粟米🌽。粟米用上水果粟，即係比一般粟米還要甜；避風塘炒蒜粒則係辣辣的。甜味碰上辣味，完全係味覺嘅衝擊。
農莊包點：BB雞($49/2隻)以及牛榛仔($49/2隻)，麵包造型好得意😍。雞仔係叉燒包，而牛仔嘅夾心餡係榛子朱古力醬，一鹹一甜。包嘅外層唔會蒸到濕晒，質感亦夠軟熟。
墨魚蝦餃($53)，蝦餃有啲心思，餃皮混入墨汁搓，所以呈黑色的，而且仲有兩隻眼仔裝可愛👀。蝦餃大大粒，入裡包住爽彈蝦肉🍤。
爆汁乳鴿(原價$68)，餐廳現時做緊推廣🈹，凡每兩位惠顧則贈送乳鴿一隻，難怪每一枱人都啜緊手指。乳鴿燒得香脆多汁，呢度提供埋手套俾你落手食，咁先係最正宗享受。
芝士蛋糕($38)，見隔離枱個細路食，搞到我哋都想食。🧀芝士蛋糕嘅芝士味好濃郁，有啲啲膩；伴旁仲有隻好QQ嘅熊仔🐻，佢係奶凍嚟。
餐廳收取每人$15茶位🍵，茶品係玄米茶。另外，餐廳亦設有加一服務費。
總括嚟講，估唔到科學園内都有中菜館🥢，佢賣嘅係新派創意菜式，幾特別，不過定價偏進取🙈，唔知平日有冇提供午市套餐呢。由於呢日超旺場，所以上菜時間較長，但好在環境舒適，等多陣都無問題啦。
Post
