Parc88

Open Now

Now Closed

科學園新開嘅餐廳，Club One 會所一號集團嘅，環境好靚，落地大玻璃窗，好光猛更舒服，座位超闊落👍🏻除 a la Carte，仲有唔同套餐選擇北京填鴨套餐 $280 （ClubDining 會員價有7折 $196）四式前菜有蔥油海蜇頭、松露糖心蛋、醋椒野生木耳、百香金柚白玉；四方木盤上菜好靚，海蜇頭超級肥美，爽口彈牙嘅；百香金柚白玉原來係帶子，好新鮮，酸酸甜甜好清新；糖心蛋勁松露黑蒜螺頭花膠燉雞湯超級足料，有螺頭、花膠、瘦肉、雞肉、瑤柱、黑蒜等，湯濃郁嘅，勁滋補鍾意黑蒜嘅，必飲，重黑蒜味北京填鴨賣相精緻，鴨皮下脂肪唔多，有陣陣木香味，填鴨包皮超薄超軟熟乾燒明蝦球似新鮮蝦唔係雪藏蝦，蝦味濃，超彈牙，仲炒得好有鑊氣💯上湯薏仁浸鮮淮山翡翠菜苗夠嫩，有鮮淮山、薏米好健康，上湯冇味精，亦唔算重味😋鴨鬆炆飯鴨鬆肉汁滲哂入飯度，食埋超飽擂沙湯丸湯丸好軟熟，唔太甜🉐而家新張期內，仲有7折，抵食👍🏻環境裝修幾靚，仲可以望到出面花園境，擺酒應該唔錯😌