Video
Read full review
2023-09-12
1581 views
今日放假入左科學園嗰邊行下，晏晝入左去其中一間中菜廳叫“農”（Farm)度食lunch。佢門面行平實港式餐廳路線，但入到去就有意外驚喜，原來係食啲創新精緻點心同中菜，質素仲要幾好，推薦！佢餐廳地方十分之大，坐得好舒服，點心又十分精緻，超級推薦俾大家。今日我地兩個人lunch食左好多野，大概$3-400一個人，以咁既水準我覺得都值回票價。 🔸️爆汁乳鴿（9／10）好味，皮脆肉嫰，仲要幾多汁，一定要襯熱食！ 🔸️蒜蓉香辣鳳爪（9／10）唔算太辣， 蒜蓉味濃，鳳爪仲要冇骨，方便易食，鳳爪層皮都脆口，唔錯。 🔸️口水彈蛋（鵪鶉蛋）（9.2／10）呢個有驚喜！ 原來鵪鶉蛋蛋白部分可以做到透明，望落好精緻，食落有淡淡麻辣味，彈牙好味。仲要十分大碟，3-4人share都夠。 🔸️拉絲啤梨（8.5／10）造型十分可愛，成個像真啤梨咁，咬落個皮好酥脆，入面係軟糯既拉絲芝士饀，配搭幾有創意！ 🔸️（半隻）沙薑懶人雞（9.2／10）呢隻沙薑懶人雞又係推介！去哂骨啱哂懶人食。佢賣相好靚，雞外皮炸得好香，入面既雞肉仲keep到好嫰滑juicy，仲好香沙薑味，超正！ 🔸️氣鍋雞湯（9.5／10）呢個一定要飲！佢個湯係用一個紫
🔸️爆汁乳鴿（9／10）
好味，皮脆肉嫰，仲要幾多汁，一定要襯熱食！
🔸️蒜蓉香辣鳳爪（9／10）
唔算太辣， 蒜蓉味濃，鳳爪仲要冇骨，方便易食，鳳爪層皮都脆口，唔錯。
🔸️口水彈蛋（鵪鶉蛋）（9.2／10）
呢個有驚喜！ 原來鵪鶉蛋蛋白部分可以做到透明，望落好精緻，食落有淡淡麻辣味，彈牙好味。仲要十分大碟，3-4人share都夠。
🔸️拉絲啤梨（8.5／10）
造型十分可愛，成個像真啤梨咁，咬落個皮好酥脆，入面係軟糯既拉絲芝士饀，配搭幾有創意！
🔸️（半隻）沙薑懶人雞（9.2／10）
呢隻沙薑懶人雞又係推介！去哂骨啱哂懶人食。佢賣相好靚，雞外皮炸得好香，入面既雞肉仲keep到好嫰滑juicy，仲好香沙薑味，超正！
🔸️氣鍋雞湯（9.5／10）
呢個一定要飲！佢個湯係用一個紫砂茶壼裝住，倒出黎小功夫杯度飲特別有感覺。慢慢飲更覺得湯既椰子味同雞味都好突出，超清甜養生既感覺😋
🔸️鹽焗聖子（8.8／10）
第一次食咁樣鹽焗既聖子！好特別，打開聖子仲係好juicy好多肉，幾清甜既食法。
🔸️田園XO醬炒花青苗（8.6／10）
第一次見到呢隻花青苗既蔬菜，好得意，細細條好似迷你翠玉瓜仔，食落都有好似翠玉瓜咁爽脆既口感。
🔸️農仔荷葉飯（9.3／10）
呢個荷葉飯又係我推介！大份之餘十分足料，有好多海鮮例如蝦同帶子喺入面，飯粒又吸哂荷葉飯既清香味，食到停唔到口。😋
🍰甜品：貓山王榴槤（9／10）
驚艷！手工用心製作！
🍰甜品：柚子花精凍（9／10）
呢個柚子花精凍賣相都好日式好優雅，食落有柚子之餘仲有柚子肉，好清新既感覺！
🥃桂花烏龍冷泡茶 (8.8／10）
自家製👍🏻
✏️總括而言，十分之高質素既創意中菜點心店，雖然價錢有少少貴，但配合番個景同chill氣氛，抵哂！😁
40 views
0 likes
0 comments
Post
