Video
Read full review
2024-08-11
265 views
川濃 KAWANO📍沙田科技大道東1號1E大樓地下S003C號舖星期六晚同朋友喺科學園睇直播奧運籃球比賽銅牌戰，睇完夠鐘食晚餐，於是見到邊間餐廳就食邊間，無意中發現一間性價比高嘅川菜餐廳。坐低揭餐牌，發現呢間餐廳特別之處就係主打川味嘅菜式，但牛肉豚肉等等就選用日本產嘅和牛和豚，令人頗感驚喜！ 💰$68北海道和牛米豚米線 🍜既然餐廳精選北海道進口嘅和牛和豚，又特別推介招牌重慶川辣麵，我哋就梗係揀返一碗集三者而成嘅米線一試啦！「未來十勝牛」同「千歳う米豚」份量十足，鋪滿大半碗米線，和牛上菜時唔係全熟，湯底熱力慢慢浸熟後，肉質會冇咁嚡同韌，而且充滿牛香；豚肉脂肪較少，肉質鮮嫩有濃香豚肉味，淨係兩款肉類都已經好滿足。除兩款肉片外，每款米線都配有腐竹、豆卜、豚肉肉醬及生菜，米線亦比連鎖米線店嘅麵底大，所以非常飽肚，非常抵食！湯底有五款口味選擇，三款都係川辣為主，另外一款豚肉雞肉濃湯，一款胡椒湯。唔係非常食得辣嘅，我哋揀咗雙胡椒雞骨濃湯，睇相你會見到米線面有少量啡黑嘅醬，只要將嗰款醬攪勻，湯底就會有極香極濃嘅胡椒味！雖然味道香濃，但唔會好鹹，胡椒口味特別暖胃，難怪係招牌！ 💰$58重慶雞肉香鍋 🐓
📍沙田科技大道東1號1E大樓地下S003C號舖
星期六晚同朋友喺科學園睇直播奧運籃球比賽銅牌戰，睇完夠鐘食晚餐，於是見到邊間餐廳就食邊間，無意中發現一間性價比高嘅川菜餐廳。
坐低揭餐牌，發現呢間餐廳特別之處就係主打川味嘅菜式，但牛肉豚肉等等就選用日本產嘅和牛和豚，令人頗感驚喜！
[價錢 Price]
💰$68
北海道和牛米豚米線 🍜
既然餐廳精選北海道進口嘅和牛和豚，又特別推介招牌重慶川辣麵，我哋就梗係揀返一碗集三者而成嘅米線一試啦！「未來十勝牛」同「千歳う米豚」份量十足，鋪滿大半碗米線，和牛上菜時唔係全熟，湯底熱力慢慢浸熟後，肉質會冇咁嚡同韌，而且充滿牛香；豚肉脂肪較少，肉質鮮嫩有濃香豚肉味，淨係兩款肉類都已經好滿足。
除兩款肉片外，每款米線都配有腐竹、豆卜、豚肉肉醬及生菜，米線亦比連鎖米線店嘅麵底大，所以非常飽肚，非常抵食！湯底有五款口味選擇，三款都係川辣為主，另外一款豚肉雞肉濃湯，一款胡椒湯。唔係非常食得辣嘅，我哋揀咗雙胡椒雞骨濃湯，睇相你會見到米線面有少量啡黑嘅醬，只要將嗰款醬攪勻，湯底就會有極香極濃嘅胡椒味！雖然味道香濃，但唔會好鹹，胡椒口味特別暖胃，難怪係招牌！
[價錢 Price]
💰$58
重慶雞肉香鍋 🐓
另一招牌係重慶香鍋，因為已經試過牛肉同豚肉，我哋就揀咗雞肉。我哋覺得呢個重慶香鍋真係非常抵食，除咗唔使$60就有大量惹味嫩滑雞肉，鍋肉仲有土豆片、椰菜花、西蘭花同蓮藕片等，食材豐富，等別下飯。香鍋可以按個人喜好選擇辣到，我哋揀咗微辣，都已經feel到嘴唇好麻，條脷好辣，不過食到咁香咁正嘅小菜，真係值得一試！
[價錢 Price]
💰$32
紅油抄手 🥟
另一個驚喜係紅油抄手，五大粒抄手有好長嘅拖尾，紅油香而不辣，肉餡味道濃郁，有少少似羊肉嘅調味，好食到我一人食咗三粒！
[價錢 Price]
💰$28
酸辣豬肚 🐖
呢款酸辣豬肚同樣抵食，除咗份量同樣十足，酸辣味道適中，豬肚絲爽口彈牙無異味，搭配米線或白飯都同樣滋味。
[價錢 Price]
💰$13
豆漿 🥛
跟餐價只係$13，豆香濃郁，口感幼滑，而且非常解辣。
[價錢 Price]
💰$20
Sangaria波子汽水 🥤
朋友則揀咗罐裝波子汽水，同一般波子汽水味道相同，食川菜飲日本嘢，都幾有趣。
Post
