火水爐花膠館

Open Now

Now Closed

真係好耐無寫評論，為大家身體同荷包著想，都係想提醒下準備幫襯嘅人。全部肉，除左第一round係正常肉味，其他都係無肉味，勁難咬爛。令出黎又未完全融雪。除左雞肉係正常，其他肉，完全唔知食緊乜…外面自助區選擇好少，都係丸、菜、午餐肉等等。啲蔬菜好霉，白蘿蔔有苦澀味，雲吞入面有碎骨，鯛魚彈到好似橡筋咁甜品方面得兩隻味既雪糕，係內地進口的雀巢雪糕，仲有啫喱食，但係啲啫喱好明顯溝左好多水，啲味勁淡。成餐最好味係南瓜同粟米😞但每人比二百尾既價錢食呢啲，真係好唔開心，一諗到辛苦賺返黎既錢，但食咁伏既一餐。衛生一般，牙籤筒同調味樽的表面都勁油，要用濕紙巾抹乾淨先令得上手。啲難食聲此起彼落。最值得讚嘅係店員嘅服務，態度唔錯，有時評論啲食物幾咁難食時，醒唔起佢地喺側邊經過，佢哋都維持專業的服務態度。本年度最難食既餐廳首位，火水爐屯門分店，當之無愧。