山道冰室

Open Now

Now Closed

今日去咗港島西做嘢，臨走時去到大學地鐵站門口，見到個脆皮燒雞餐勁吸睛。佢佢門面又光鮮就索性食埋飯先返公司。裝修格局同一般嘅冰室冇大分別，唯獨是佢特別之處就係店員非常有禮貌，好少見到食肆嘅夥計咁有禮貌，有笑容，唔該前唔該後。就連夥計之間嘅相處都非常融洽。 差唔多每句都聽到麻煩你、唔該晒👍👍👍👍👍其次就係燒春雞非常好食，即叫即整熱辣辣，仲可以揀配飯、意粉、薯條、薯仔沙律，好多選擇! 上枱香噴噴，外皮超級脆口之餘肉質鮮嫩，一切開就超多熱油流出嚟，雞肉醃製得非常入味，我最後都係放棄用刀叉，戴上手套用手撕開黎食，更添風味。😆😆