川粵時光 (Closed)

是日晚上同朋友去咗銅鑼灣V Point一間新開川菜「川粤時光」，品嚐地道風味四川菜。店內裝修瑰麗堂皇，頗具氣派，餐廳位於28樓，能飽覽維港海景，景觀一流！餐牌上有各式各樣特色川菜、小食、干鍋等等。蜂蜜紅棗茶輕甜足料，補氣血。涼拌木耳點左呢個涼拌木耳作為前菜～醬汁鹹鹹酸酸，帶蒜香，同爽脆木耳好夾，當中仲有唔少海蜇添！涼拌麻醬生菜新鮮生菜好碧綠，口感爽脆，配上餐廳特調麻醬，帶濃郁花生芝麻香，微微辣，清新開胃。三色蛋浸時蔬簡單美味又清淡嘅金銀蛋浸時蔬，菠菜鮮嫩無渣，配上蛋味香濃嘅皮蛋同鹹蛋，清甜味美。糖醋炸魚皮此乃餐廳招牌菜之一，新鮮炸魚皮淋上酸甜少辣的糖醋，脆卜卜，好好食😋麻辣小龍蝦🦞一客有10幾隻小龍蝦，肉質鮮甜彈牙，盡吸麻辣醬汁精華，香辣惹味！餐廳必點項目，推薦👍🏻紅糖冰粉最後每位奉送甜品——紅糖冰粉，口感冰爽，清甜可口，有助解辣。