Video
Read full review
2021-03-05
1736 views
只可以揀12張相🥲......新年期間嘅午市，我見到啲侍應瘋狂收熟客嘅利是😆開頭揀咗兩個包，一個煙肉卷同埋似mono既包（我仲怪另一半：尋日先食完，做咩揀同一類嘅😑）佢仲駁咀話試下呢度既呢間係我第一次黎，佢唔係；又係叫一平一貴，佢加wine pairing。煙三文魚卷山羊芝士我唔係幾受到😂Parmeson cheese既咩咩咩唔記得呢三張餐前小食都還可以，最恐怖既係個人食完半個煙肉卷、另一個包一啖；三樣送既餐前小食&兩個餐既前菜（都係有鴨肝）三分一已飽飽滯滯咁，之後每樣野都有試五分一或者四份一；整體感覺呢間嘅法國餐係好食嘅，但係佢係我試過係香港節奏最慢嗰間。當然咁嘅節奏算正路，正常法國餐要更加慢。唔.........係要講既話，佢係午市嘅香港黎講佢係最慢既😂個人偏好：心急人同食完想快走。鴨肝好滯個下又係宿醉，呢餐食得唔舒服。我平個個豚蹄肉凍批加鴨肝貴個個兩個都高質好味穩定嘅表現法國螯蝦雲吞，大隻彈牙，包住好薄既皮（叫唔同餐；呢度無問我地係咪share，我地都無特別出聲，因為我都係切一啖嚟試吓。但前日食mono,有啲我冇份嘅佢都會準備餐具俾我。呢度就係淨係上佢嗰份菜同餐具。如果係慢慢嘆既
只可以揀12張相🥲......
新年期間嘅午市，我見到啲侍應瘋狂收熟客嘅利是😆
開頭揀咗兩個包，一個煙肉卷同埋似mono既包（我仲怪另一半：尋日先食完，做咩揀同一類嘅😑）佢仲駁咀話試下呢度既
呢間係我第一次黎，佢唔係；又係叫一平一貴，佢加wine pairing。
煙三文魚卷
山羊芝士我唔係幾受到😂
Parmeson cheese既咩咩咩唔記得
呢三張餐前小食都還可以，最恐怖既係個人食完半個煙肉卷、另一個包一啖；三樣送既餐前小食&兩個餐既前菜（都係有鴨肝）三分一已飽飽滯滯咁，之後每樣野都有試五分一或者四份一；整體感覺呢間嘅法國餐係好食嘅，但係佢係我試過係香港節奏最慢嗰間。
當然咁嘅節奏算正路，正常法國餐要更加慢。唔.........係要講既話，佢係午市嘅香港黎講佢係最慢既😂
個人偏好：心急人同食完想快走。
鴨肝好滯個下又係宿醉，呢餐食得唔舒服。
我平個個豚蹄肉凍批加鴨肝
貴個個
兩個都高質好味穩定嘅表現
法國螯蝦雲吞，大隻彈牙，包住好薄既皮
（叫唔同餐；呢度無問我地係咪share，我地都無特別出聲，因為我都係切一啖嚟試吓。但前日食mono,有啲我冇份嘅佢都會準備餐具俾我。呢度就係淨係上佢嗰份菜同餐具。如果係慢慢嘆既出聲要一定會安排既😂）
加錢要嘅藍龍蝦忌廉湯。都係正路發揮，濃同好味
（同行人講佢都係最鍾意Hugo‘s 既堂煮龍蝦湯）
佢貴啲嗰個餐嘅多寶魚
滑，好味。 如果你要我講呢間真係正正路路法國菜冇出事嘅；但係好仔細嘅口味真係唔知點講😂
個人其實唔鍾意呢啲高級野，（鍾意川菜、快餐、兩餸飯，唔同種類嘅飯盒：台灣便當、日本便當；去日本台灣最鍾意食佢哋嘅便當😂😂😂😂😂😂）係而家無得去旅行開始逐間逐間咁試本地既&打食評係用黎hea時間
（寫返俾人睇，真係多謝晒🙏🏼。每次揀嘢食，都睇好耐食評，大佬呀，有時食點心知道嗰間可以兩粒兩粒咁樣叫都好呀；或者知道佢嘅糯米雞有溝咩紅米嘅，或者知道佢哋上菜速度、手勢、服務態度。味道唔同人有唔同嘅感覺；同埋有啲寫到服務差同埋大家都指向某一種行為，我會覺得係真嘅。我睇到自稱小編既就會覺得...........🤔，照片同菜名勁齊勁認真既；或者人地專做foodies個啲都係。我最鍾意既係普普通通人寫既我會比較信，同睇埋佢地過往寫過既。😂。睇餐廳嘅食評，一定睇咗負評先：最差都係咁姐我接受到就去個種）
我平啲嗰個鱈魚，都係正常發揮，冇特別驚艷（同埋前菜後我都猛話好飽😂）
貴啲既餐既法國乳鴿，五成熟，我食咗一啖髀位，好香好鮮好好味👍🏻
佢個餐既甜品
咖啡
佢嗰餐仲有第二個甜品，咩黑森林蛋糕
12點準時到，呢餐食到2:15分，喺香港法國餐來講算係慢節奏，埋單$4052🥲。
我自己就唔鍾意食到咁貴；我覺得叫平既午市套餐608三道菜就非常好。呢間仲唔會逼你要甜品（個人好憎食甜野）可以兩個前菜一道主菜。
食到中間我已經話：呢間真係好，未試呢間之前我會常再去robuchon、petrus、mono，呢間都會放係常訪既list(mono要相隔耐啲，有少少悶😂）
Post
