稻香 (Closed)

結左婚其實真係可以不思長進,唔生仔,唔搵刺激,永遠停留在新婚蜜月期,因為要交代的只有我地自己,但作為一間食店,如不向前走,努力尋求突破,被無情而又嘴饞的食客遺棄是遲早的事.每次光顧此店火鍋,本地肥牛是必點的菜色,內身肥瘦均勻且切得厚薄適中,9點後特價只售28元,以價論貨,個人覺得遠勝於輝哥肥牛,同一貨色,在街市便要60多元一磅.再看看餐牌,特價接二連三,美國肥牛$28，質素雖及不上本地肥牛,但經過廚子如神刀法,把牛肉切到薄如蟬翼,食落口感細膩之餘又不失鮮味，兼送一大藍子菜,內有生茶,白菜,小塘菜,黃牙白,小番茄,金茹,加上雜茹數種,全是鮮貨,份量足夠2人有餘,單計成本已極超值,再加一碟手打墨魚丸,新鮮爽滑兼彈牙,只售18元但亦絕不欺場.稻香係元朗都有好長日子,搬鋪裝修都好幾次,每次的裝潢都跟潮流走,令人眼前一亮,多年來人山人海的景況依然.,無可否認,只有在食品,裝修,服務,價錢上不斷改善一的間酒家,才能夠吸引咁多食客風雨不改地光顧,　　　　只要用心去種，稻四季都會香！