枝記麵家

Open Now

Now Closed

其實我就係住喺巴丙頓道附近。每次經過都好想食。但係一至五都要返工，平日真係食唔到。重點係雖然係街鋪，星期日係唔開架。今日咁岩星期六經過呢，就去試一試啦。人就梗係貪心架啦。咁難得就到時間食，就要個雙拼。係就係貴咗啲。但係好好味喎。佢個雲吞幾大隻，而且雲吞裏面隻蝦係好彈牙。牛腩亦都係唔係好肥膩，而且醃腌夠入味。個湯加埋咗啲腩汁呢，鹹得來係非常之有肉味，幾老火。鴨旦面呢，都非常之彈牙，口感十足。唔知會唔會都係人手做果種竹升麵呢？再嚟一個腩汁菜心。非常之大碟下。菜好新鮮，冇得彈。再加埋杯凍檸茶真係very good。買單好似都要＄7-80。不過高質素當然都願意比多啲錢嘅。呢種懷舊昔日香港粥麵店做嘅係高質素嘅食品。座位係少，鋪位係細。食嘅係用心嘅味道。