Video
Read full review
2025-04-01
365 views
Cafe Landmark 可以屹立咁多年一定有佢嘅原因，對我嚟講就係穩陣。同屋企人朋友喺呢度食飯係唔需要太擔心食物質素。 咁當然廚師亦有失手嘅時候，呢一晚不例外。一行三人叫咗兩個餐 ($988 買一送一) 再加一個龍蝦意粉 ($388)。 酒類飲品亦都有promotion, 買一杯第二杯半價 ($148 & $74)。 Set dinner 本身有跟雪糕甜品，所以另外只嗌多一份 Mango Napoleon ($128). Total 埋單 $2311. 叫完餐好快就送上麵包, 暖暖哋。個人喜歡baguette多一點, 香啲脆啲。Set dinner 前菜有蘆筍配山藥和一個湯 (我哋就揀咗羅宋湯同龍蝦湯 +$50)。 蘆筍同山藥都調味得好好，嫩口清甜，係一個好嘅starter。 羅宋湯冇乜驚喜，但都算正正常常。龍蝦湯超正，飲得出係用咗好多隻龍蝦頭去熬，香濃美味。主菜揀左 Sea Bass & Shabu Shabu wagyu rice. 呢兩樣都好出色！ Sea Bass 好明顯係用靚品質嘅魚，食到鮮甜嘅魚味，火候控制得宜，魚肉好滑好香，下面再配上蟹肉，簡直鮮上加鮮。 和牛飯當然夠
一行三人叫咗兩個餐 ($988 買一送一) 再加一個龍蝦意粉 ($388)。 酒類飲品亦都有promotion, 買一杯第二杯半價 ($148 & $74)。 Set dinner 本身有跟雪糕甜品，所以另外只嗌多一份 Mango Napoleon ($128). Total 埋單 $2311.
叫完餐好快就送上麵包, 暖暖哋。個人喜歡baguette多一點, 香啲脆啲。
Set dinner 前菜有蘆筍配山藥和一個湯 (我哋就揀咗羅宋湯同龍蝦湯 +$50)。 蘆筍同山藥都調味得好好，嫩口清甜，係一個好嘅starter。 羅宋湯冇乜驚喜，但都算正正常常。龍蝦湯超正，飲得出係用咗好多隻龍蝦頭去熬，香濃美味。
主菜揀左 Sea Bass & Shabu Shabu wagyu rice. 呢兩樣都好出色！ Sea Bass 好明顯係用靚品質嘅魚，食到鮮甜嘅魚味，火候控制得宜，魚肉好滑好香，下面再配上蟹肉，簡直鮮上加鮮。 和牛飯當然夠晒腍，日本米煮得恰到好處，醬汁完全沒有蓋過和牛應有的味道。 超讚！
第三道主菜就係出名嘅龍蝦意粉，平時唔係食開紅汁就白汁，今晚服務員竟然話新出咗避風塘味，咁就梗係要試吓啦。滿懷希望以為係好港式避風塘feel，點知其實係普普通通嘅意大利式蒜頭辣椒味。 味道係ok嘅，只不過個名改錯咗，所以令到有期望，然後就少少失望。 下次再食應該會叫返白汁。 龍蝦新鮮彈口，意大利粉al dente 冇得挑剔。
是日甜品不太出色，跟餐嘅雲呢拿雪糕好普通 (附送嘅甜桃食得出係較好嘅罐頭品質，如果新鮮會驚艷啲) 。 另外叫嘅Mango Napoleon 冇其他食客講得咁好食，係Cafe Landmark自己嘅版本，同法國食嘅拿破崙完全係兩回事。 芒果本身係新鮮，又香又甜。但係pastry太薄、有過重牛油味、又唔夠cream，變咗呢個甜品，其實只得幾片芒果係值得欣賞。
總結餐飯係食得開心嘅，食物水準保持中上，服務員態度亦非常良好，仲有完全唔駛我哋開口要嘢 (例如斟水，比牙籤，比公筷全部都自動自覺)。 🅰️
小插曲：唔知點解傻咗簽完卡先check單，發覺收多了$。 所以提提大家無論去什麼級數的餐廳都要細心睇清楚。
Post
