Read full review
2021-09-11
139 views
今日同老公兩個去屯門行吓見到呢間鋪門面幾吸引 好似好多選擇 就入咗去食啦雖然係下午茶時間但係見到佢小菜好似好正我哋就叫咗薑蔥雞同埋黃金蝦每個小菜都會配碗白飯㗎講真本來對冰室嘅小菜都期望唔會太高但佢絕對做到有鑊氣嘅小炒薑蔥雞嘅雞好滑唔會過老同鞋 配返薑蔥好惹味 我最怕一堆油喺面 但佢係冇 食得好安樂 份量好多 至於黃金蝦 鹹蛋黃掛蝦身 好乾身 蝦肉實淨爽口 一啲都唔梅 八隻大大隻 $108絕對相宜👍🏼實在好耐冇食茶記必點嘅西多士同奶茶所以又忍唔住嗌咗炸得好脆 超大啖花生醬 配埋糖漿 超邪惡但好香呀 好正奶茶佢係用黑白淡奶㗎 所以好香好滑🥰老公仲叫咗個黑松露炒蛋多士配凍檸蜜超多黑松露 睇相都見到啦 又多蛋味 好足料啊 不過如果係烘多士就更好啦!凍檸蜜一如以往 正正常常非常滿足嘅下午茶😉
見到呢間鋪門面幾吸引 好似好多選擇
就入咗去食啦
雖然係下午茶時間
但係見到佢小菜好似好正
我哋就叫咗薑蔥雞同埋黃金蝦
每個小菜都會配碗白飯㗎
講真本來對冰室嘅小菜都期望唔會太高
但佢絕對做到有鑊氣嘅小炒
薑蔥雞嘅雞好滑唔會過老同鞋 配返薑蔥好惹味 我最怕一堆油喺面 但佢係冇 食得好安樂 份量好多
至於黃金蝦 鹹蛋黃掛蝦身 好乾身 蝦肉實淨爽口 一啲都唔梅 八隻大大隻 $108絕對相宜👍🏼
實在好耐冇食茶記必點嘅西多士同奶茶
所以又忍唔住嗌咗
炸得好脆 超大啖花生醬 配埋糖漿 超邪惡但好香呀 好正
奶茶佢係用黑白淡奶㗎 所以好香好滑🥰
老公仲叫咗個黑松露炒蛋多士配凍檸蜜
超多黑松露 睇相都見到啦 又多蛋味 好足料啊 不過如果係烘多士就更好啦!
凍檸蜜一如以往 正正常常
非常滿足嘅下午茶😉
Post