老馮茶居 (大棠路)

每逢經過呢條人來人往既小街，都想試下呢間茶居，大概係俾門面懷舊既裝修吸引罷!趁週末瞓飽就特登黎飲個午茶，好在我地1點前黎到咁岩有位，唔使排隊 食完之後就出現了人龍!小小茶居格局幾細所以有少少逼挾，座位分別係圓檯或側邊既4人卡位。所有佈置及餐具都充滿左香港70年代既風味，令我諗起某首歌「人情人情如做戲。。。」  店舖較新淨及鋪面由一班年輕人黎打理，有一種新舊交錯既感覺!食物好快上叉燒腸上檯既時候,waiter會問需唔需要醬油，要既話佢就隨意倒左d落黎，但落得未免太多喇吧!不夠滑既腸粉皮，夾雜著甜甜地既蜜汁叉燒粒，不過不失!用缽仔蒸既窩蛋牛肉飯，生蛋分開上，自己打隻蛋上去，再撈勻食，混合似牛肉球既牛肉質地軟身， 又幾好味喎其他點心要即蒸既關係，最遲先上。我最欣賞既係沙嗲豬大腸，豬大腸好腍，一d都唔韌，濃郁既沙嗲汁蒸得好入味到埋單既時候，驚覺茶芥只需$3一位咋，超平呀!總結而言，裝修不錯，相信落左唔少心思!上菜速度夠快，食物都幾好味，但略嫌款式唔夠多!