坤記粥店

Open Now

Now Closed

平時食開西式早餐，今日突然想食粥加油炸鬼，就特登行出黎睇下有咩粥舖，見到呢間，有隻貓貓衝左出黎，再望望入面有貓店長，好啦，就係你啦，咁我就入去啦。叫左碗豬紅艇仔粥$22，油炸鬼$9 ，共$31。個粥ok啦，因為我好怕d粥溝粉好杰冇粥味果隻，呢度係正正常常既粥底黎，入面d料都係正常野冇咩特別評價，唔會話難食，但又唔會話特別好食咁。油炸鬼見到係係門口位有個炸鑊即炸既，熱辣辣夠脆，我鐘意油炸鬼浸住d粥黎食但由於太大條既關係，我剩係食到半條。老式粥舖好多街坊客幫襯，店員做到手唔停連收錢都冇時間收咁滯，老闆收錢時feel到幾親切。