坤記粥店

Open Now

Now Closed

今天使用某平台外賣，因為冇晒蘿蔔糕嘅關係，店主主動打俾我，問我改另一樣得唔得，咁我話我牙痛好多嘢食唔到，咁佢就推薦腸粉比我，外賣黎到後竟然送多一個馬拉榚比我，無論值唔值錢，係我牙痛嘅時候收到呢份心意都超級開心！謝謝👏🏻👏🏻👏🏻坤記

感冒吾舒服，想食D熱野，之前都試過呢間粥鋪兩三次，覺得吾錯。岩岩系foodpanda外賣買了三碗皮蛋瘦肉粥，一份炸兩，一份鮮蝦腸粉(D蝦跌晒出來，吾熱)，另外叫左兩杯豆漿比小朋友...佢地飲左一大半先話有D怪味，我試左啖，竟然系殺蟲水味！真心好嬲！小朋友仲細未知系咩味，估吾到餐廳衛生甘有問題！嬲到第一次打食評投訴！店家電話冇登記打吾通！都吾知系外賣杯問題定豆漿本身問題，擔心下一個受害者。仲要200字先比post出來

平時食開西式早餐，今日突然想食粥加油炸鬼，就特登行出黎睇下有咩粥舖，見到呢間，有隻貓貓衝左出黎，再望望入面有貓店長，好啦，就係你啦，咁我就入去啦。叫左碗豬紅艇仔粥$22，油炸鬼$9 ，共$31。個粥ok啦，因為我好怕d粥溝粉好杰冇粥味果隻，呢度係正正常常既粥底黎，入面d料都係正常野冇咩特別評價，唔會話難食，但又唔會話特別好食咁。油炸鬼見到係係門口位有個炸鑊即炸既，熱辣辣夠脆，我鐘意油炸鬼浸住d粥黎食但由於太大條既關係，我剩係食到半條。老式粥舖好多街坊客幫襯，店員做到手唔停連收錢都冇時間收咁滯，老闆收錢時feel到幾親切。

返工前，除咗食過西方嘅醒神早餐，都有一D中式嘅傳統醒神早餐選。而我同你介紹嘅呢一間吸引我之處就係，佢有新鮮即炸嘅油炸鬼，同新鮮滾熱辣上枱嘅粥品。另外仲有嗌咗炸兩同腸粉，腸粉皮非常之滑，好味。仲有叫咗碗甜豆漿，不過豆漿就唔係幾啱我飲啦，覺得佢好似有一浸燶味，唔知係咪煮過龍。

今晚我老婆肚子有點唔舒服，佢又唔想自己屋企煮野食又唔想岀街食，咁我就當上一個外賣仔身份…岀街買野食，然後攞返屋企食啦。見佢肚子唔舒服…就同佢傾過後…打算叫清清地…食粥。我就去左深水埗，區內都有好幾間係賣粥既店舖…我就行行下…上下網搵下附近有邊幾間既粥店…最後我就揀左去坤記粥店…入到去…外觀既粥店好懷舊式…一大鍋白粥…鍋前有百多樣配料…叫咩粥…佢就落咩配料～我就揀左皮蛋瘦肉粥，艇仔粥…再加一碟炒米粉外賣。好快手即叫都唔使5分鐘就送俾我…可以攞走…我就攞返屋企食粥…熱辣辣…又幾多料…食完都好飽

這個下午抽空請了半天假休息, 行行下肚餓, 就入左黎坤記. 呢間分店都係做熟客為主. 今時今日通漲得咁犀利, 呢間野仲做到唔使20蚊一碗粥, 真係算係咁叫左艇仔粥, 16蚊埋單. 等三分鐘就有得吃. 個粥不算大碗, 但望落都叫做綿, 食落味精偏重. 但算足料,有一般艇仔粥應有既牛肉魚肚尤魚等等. 本身個人鍾意食花生, 所以我期望花生係脆口的. 可惜今次d花生係林左的...不過呢個價錢仲想點環境當然不是重點. 沒有裝修, 沒有服務, 但有的是一班老街坊熟客.

坤記粥麵 店舖創於1950年， 是一家舊式粥麵店 ， 裝修簡潔 ，給予一份街坊食堂的感覺。桌上放有調味料， 有辣椒醬，甜醬，麻醬 。 最特色是胡椒粉及芝麻各用一個小酒杯盛載著， 內裏放有一個小匙羹 ，沒有用杯蓋冚住， 如客人喜歡多少份量，用匙羹取出即可，非常方便。朋友推介我試蠔豉菜乾豬骨粥，必食！我都點了蠔豉菜乾豬骨粥 $18，吃落好豐富 ，充滿菜乾、豬骨、蠔豉仔 。鹹肉粽$16， 鹹肉粽好軟滑， 綠豆、鹹蛋黃、豬肉的比例恰到，令粽更圓滑， 食了也唔覺得滯 。 齋腸粉$8加了許多芝麻， 加埋辣醬,甜醬,麻醬完美組合,十分滿足。油炸鬼做得很有水準。一定會再來光顧

我一向支持老店，間唔中一定去懷舊一下，不過坤記的確水準好低。。。首先，裝修舊唔緊要，但唔可以污糟囉，一坐低張枱無抹乾淨、有啲蚊芝仔飛下飛下都算，仲要所有糊椒粉、芝麻都無用蓋蓋好，就咁放係枱面，真係見到都唔太開胃算啦，大菌食細菌，不如講番食物個魚片粥真係幾流，唔通真係一分錢一分貨？$18一個粥所以要比個稀單單既粥我？ 個粥水多過米，真係阿媽話齋，痾篤尿就無咗。。。個蝦腸呢？一pat咁pat係隻碟度，香滑度絕對比唔上其他粥鋪既腸粉，啲蝦又細隻又浸得太多膨沙粉。。。超失敗總結：真係唔會再幫襯

星期日起身已經11點半不想搞自家煮意, 於是落樓食個簡單早午餐,-白粥油炸鬼,12點半左右到場見已8成滿, 大部份客人都上了年紀, 招呼的阿姐只是沒有系統地乾忙, 因為她們只靠口耳相傳! 左耳聽一個柯打,右耳再聽一個柯打, 大聲叫出去, 沒落什麼柯打紙仔, 當柯打拿出來再大聲叫出什麼名堂, 等叫咗的客人回應, 但往往無人應又或者應話嚟咗! 全部亂作一團, 可能以前無咁多人客時還可以, 但人客一多自然無能應付, 唔通寫幾隻字真的咁難? 這裡是兩三年前開始由一個老人家(當時他應該是老闆)傳給現在的大叔經營的, 大叔係老人家的後人定係頂手來做真的無法得知, 睇住大叔由開頭似係學徒形式至現在主要都係佢搓麵糰, 默默地做出點成績, 收銀那裡亦多了個後生仔可能係佢公子都唔定! 白粥$6依舊係OK, 牛利酥$7 即炸出來的口感同味道係"幸福的味道"! 我們來的都是為了這個, 但這店的油炸鬼在繁忙時段基本上係咸同甜輪流操作的, 所以好多時客人叫牛利酥或者油條時會被回應要等陣先有, 請別介意她們不是刻意這樣回應的, 只是真的有可能要上8-10分鐘, 趕時間的話叫其他食物就可以了, 不過食新鮮炸起來的油條

朝早突然好想食牛脷酥+粥做早餐，冒著雨去搵坤記。點了皮蛋瘦肉粥，未有牛脷酥，轉移叫炸両。炸両原來係整好一碟碟，用碟蓋著，所以唔脆嘅。瘦肉粥有魚片嘅腥味(唔係少少，我覺得自己食緊魚片粥)，咩玩法？瘦肉無醃過咁，碗粥除咗魚腥味就無其他味，好難食....不會再去。

位於深水埗北河街的坤記粥店，雖然富麗裝修欠奉，不過一抹具歷史性的色彩卻更值得香港人珍惜，在滿街都是連鎖餐廳的世代，如此『香港地』的粥麵老店真的是結業一間就少一間了。皮蛋瘦肉粥 $15雖然我愛吃更濃稠一點的粥底，不過這碗粥的皮蛋心口感軟綿綿，甘醇的皮蛋香氣一躍而出，配合帶點微鹹的瘦肉，令這碗只需$15的粥更顯超值。蒸蘿蔔糕 $8極度厚身的蘿蔔糕重量十足，雖然沒有甚麼配料，不過粉感重的口感其實就是我小時候吃到的味道，如出一轍。五香鹹肉糭 $14一隻扎實又熱辣辣的鹹肉糭快速送到檯上，綠豆跟糯米同樣軟熟又有口感，煙韌之餘吸收了肥豬肉的油份後更覺吸引，唯一挑剔是鹹蛋黃較細粒。

又係食外賣既一日，病病地，好唔情願之下去左買粥食皮蛋瘦肉粥我最愛！粥很綿，偏咸左少少，皮蛋份量多，好中意個黃，入口即溶呀，瘦肉係碎碎的，好岩我呢啲懶人食病其實唔應該食炸腸既，但真係忍唔住！個腸粉皮都幾滑，入面既油炸鬼竟然仲脆架！好香口！醬可以自己加，我就一定要多麻醬，好係好正

這間始業於1950年，屹今已有六十多年歷史的粥店，座落於全香港最貧窮的地區深水埗的老街中，一派傳統舊式粥店的模樣，售賣的除了各式傳統粥品、腸粉、油器等之外，還有數款中式糖水，幫襯的也多是附近居住的老街坊，我這個稀客這天來到這兒吃早餐，實在罕見。因為自己一向對粥的興趣都不太大，只是很偶然地才會想吃上一碗，而這天的我，撇棄了一向較常吃的港式、西式早餐，改吃中式粥品早餐，還不是意外？簡單的叫來「碎牛粥」（$13）和「叉燒腸」（$13）做早餐。「碎牛粥」是自己童年吃粥的最愛，但長大後，已極少有吃，這一天吃著這碗十分多碎牛的「碎牛粥」，雖然覺得碎牛的味道不大夠，粥也不夠綿滑，也許是對「碎牛粥」還有點兒時的情意結吧，感覺還不錯！這兒的腸粉也是大大碟的，才十三元的「叉燒腸」叉燒當然不會怎麼多，而且腸粉皮也厚了一點，但份量不少的腸粉可是夠飽肚的。這一天，在深水埗這老區老店吃的這份相當飽肚的中式早餐，才不過二十六元，既可醫肚，又可感受一下傳統港式粥店的老風情，也不錯呢！

深水埗北河街一帶眾多食肆，今次光顧外賣的是一間比較古舊的傳統粥品店叫「坤記」。「坤記」共有三間分店，一間在天水圍，另兩間都在深水埗區，今次去的是位於北河街有良心老板及窮人飯堂稱謂的「北河燒臘飯店」旁，其餘一間則位於元洲街。坤記是一家舊式粥店，油器做得很有水準，油器即是油炸的油條、咸煎餅、笑口棗之類的俗稱，是吃粥不可缺少的最佳拍檔。我覺得越舊式的這種粥店就越有風味，一入門口就是開放式廚房，裡面有一隻大鑊盛滿滾油，就是用來炸各種油器的，現今在香港想吃到新鮮炸起的油炸鬼真係幾難。店內沒有什麼裝修，但地方仍算清潔乾淨，只有幾幅白牆上貼上手寫的項目價錢，由於是舊區老街坊價跟市面其他地區比較實在好抵食!油炸鬼HK$6 ~ 望落依然漲卜卜，唔會油淋淋，食落不算太鬆脆，但勝在即炸即賣，兼且超大條抵食，現今在香港想吃到現炸新鮮的油炸鬼真係幾難!而且每條只賣6元，應該是全港九最平吧

老實講，用餐係有以貌取人的。食龍蝦鮑魚係要去金碧輝煌的酒樓，食牛要去燈光較昏暗的扒房。食粥呢，我覺得越舊式的這種粥點就越有風味。一入門口似入了時光隧道，隔住個玻璃柜都感受到佢啲油器既風味先說腸粉，其實無咩邊間粥店會整得難食。不過我喜歡這裡任落醬的痛快。我唔食甜醬，但很喜歡花生醬，也喜歡芝麻。所以這樣任落之下確係好味加分。至於正主兒～碎牛粥。你睇呢度咁既格局。話難食你都唔會信啦。可能就是這裡的裝修影響。每一啖粥都多了一點老口味。而最主要，又粥又腸粉又油炸鬼。都只不過廿多元。今時今日這價錢買少見少了。希望這種老口味不會太快被時代沖走。