Video
Read full review
2018-09-12
2268 views
睇過雜誌報道有關呢一間餐廳，已經好想過嚟試吓，後尾連電視都報道，就的起心肝要過嚟。有心嚟嘅朋友要早少少到，會比較容易搵位。$55兩餸飯，包一個湯或者飲品，價錢公道。我叫咗四季豆炒牛肉同鹹蛋蒸肉餅，食物好快就黎到。味道唔錯，並唔係一般茶餐廳嗰種油膩同味精，而係屋企家常便飯嘅味道。份量對女仔來講可能大左少少，男仔可能未必夠。服務方面，有留意餐廳背景嘅朋友都知道呢間餐廳嘅故事，係一位媽媽為咗有特殊需要嘅囡囡而開，目的係希望有需要嘅人能夠多啲接觸外面嘅世界。所以係餐廳，其他服務員都係有特殊需要嘅人。睇來好多客人都知道呢個情況，所以大家係點餐嘅時候都多咗一份包容同體諒。最令我感動嘅，係我見到老闆娘個一份愛心，會細心留意服務員嘅需要，喺旁邊提點佢哋，令佢哋建立自信，能夠投入社會。祝福你哋，我一定會再返嚟幫襯！
$55兩餸飯，包一個湯或者飲品，價錢公道。我叫咗四季豆炒牛肉同鹹蛋蒸肉餅，食物好快就黎到。味道唔錯，並唔係一般茶餐廳嗰種油膩同味精，而係屋企家常便飯嘅味道。份量對女仔來講可能大左少少，男仔可能未必夠。
服務方面，有留意餐廳背景嘅朋友都知道呢間餐廳嘅故事，係一位媽媽為咗有特殊需要嘅囡囡而開，目的係希望有需要嘅人能夠多啲接觸外面嘅世界。所以係餐廳，其他服務員都係有特殊需要嘅人。睇來好多客人都知道呢個情況，所以大家係點餐嘅時候都多咗一份包容同體諒。
最令我感動嘅，係我見到老闆娘個一份愛心，會細心留意服務員嘅需要，喺旁邊提點佢哋，令佢哋建立自信，能夠投入社會。
祝福你哋，我一定會再返嚟幫襯！
四季豆炒牛肉、鹹蛋蒸肉餅
$55
110 views
1 likes
0 comments
Post
