Video
Read full review
2022-03-26
637 views
喺黃竹坑住酒店，所以比較近嘅地點都係香港仔同鴨脷洲，有好幾間餐廳都係Pet Friendly嘅，而揀依間係因為地方比較大，同門口位置人流唔會太多，Blue可以睇到街街～不過每次帶Blue去餐廳前都會先打電話去問清楚，因為有過一次難忘嘅經驗！萬一無開或改咗狗狗唔俾入就麻煩喇！依間餐廳以食窩夫為主，主要不同之處係分為鹹食同甜食，再配上不同配料。原本想揀Waffle Benedict，好可惜已經賣晒！最後只能揀份普通普通嘅，賣相都無乜特別🙈Farmer's Delight (sunny side-up）$96 煙肉太陽蛋窩夫好簡單，就係有脆煙肉、太陽蛋、香草窩夫、沙律菜、楓糖醬。窩夫比其他地方有啲唔同，因為加入咗香草，明顯為鹹食而設，而唔係直接用返平時嘅牛油窩夫。但其他野咪就係煙肉同蛋囉～唔洗特別介紹。Crab & Avocado $88蟹肉牛油果窩夫多士迷你版窩夫，一樣係用香草窩夫，上面加上蟹肉同牛油果醬。但蟹肉牛油果醬份量偏少，所以食落會覺得比較乾。但味道唔錯。Penne Carbonara $135卡邦尼長通粉依個賣相同香味都吸引好多！配有西班牙火腿同撒上巴馬臣芝士碎，忌廉汁夠香濃。
喺黃竹坑住酒店，所以比較近嘅地點都係香港仔同鴨脷洲，有好幾間餐廳都係Pet Friendly嘅，而揀依間係因為地方比較大，同門口位置人流唔會太多，Blue可以睇到街街～不過每次帶Blue去餐廳前都會先打電話去問清楚，因為有過一次難忘嘅經驗！萬一無開或改咗狗狗唔俾入就麻煩喇！
依間餐廳以食窩夫為主，主要不同之處係分為鹹食同甜食，再配上不同配料。原本想揀
Waffle Benedict，好可惜已經賣晒！最後只能揀份普通普通嘅，賣相都無乜特別🙈
Farmer's Delight (sunny side-up）$96
煙肉太陽蛋窩夫
好簡單，就係有脆煙肉、太陽蛋、香草窩夫、沙律菜、楓糖醬。窩夫比其他地方有啲唔同，因為加入咗香草，明顯為鹹食而設，而唔係直接用返平時嘅牛油窩夫。但其他野咪就係煙肉同蛋囉～唔洗特別介紹。
Crab & Avocado $88
蟹肉牛油果窩夫多士
迷你版窩夫，一樣係用香草窩夫，上面加上蟹肉同牛油果醬。但蟹肉牛油果醬份量偏少，所以食落會覺得比較乾。但味道唔錯。
Penne Carbonara $135
卡邦尼長通粉
依個賣相同香味都吸引好多！配有西班牙火腿同撒上巴馬臣芝士碎，忌廉汁夠香濃。長通粉有口感~ Blue都覺得依個味道最吸引！
Greenlight $65
avocado,spinach, apple, lime juice, spirulina, basil, honey
飲品亦都算唔錯，入面有成7種材料。牛油果、菠菜、蘋果、青檸、螺旋藻、羅勒、蜜糖。飲落好清新，唔會有陣草青味之類，不過相對上牛油果味亦唔重，唔係想像中嗰種牛油味沙冰，會係偏向係青檸蘋果沙冰～
值得一讚係，餐廳入面嘅店員好好，因為我有提過Blue🐶好怕熱，要有個涼少少嘅位置，佢預留咗個風口位俾我地，見🐶想拎野食，仲問可唔可以請佢食零食～吹吹風，睇吓街街就過咗一個下午，返去之前仲可以行吓附近嘅狗公園同海傍位置～
📍📍📍📍📍📍📍📍Bonza! by Waffling Beans (鴨脷洲)
鴨脷洲新市街29號地舖
📍📍📍📍📍📍📍📍
Post
