L1fe Café (Closed)

平時好少寫食評的我，星期日一個人要到旺角買嘢，機緣巧合下預訂咗依間咖啡店，十分貼心令我到我勁窩心，不得不記下來。肥威好飲合我口味，流汁蛋蛋正常，但我覺得有少少細份，沙律可以多點點就更好。可能我大食啦，唔太夠飽就點多個「食兩家茶禮」。由今次我第一次到訪，唔知到原來叫左成個蛋糕🎂，只見88元一份蛋糕🍰都還可以接受，下單不久，有個妹妹職員來問我成個蛋糕食唔食得曬，當還迷惘之際，因我完全無概念知道有幾大個，有另一個應該係老闆呱的哥哥仔來說見我食完個班尼廸蛋，成個蛋糕擔心我食唔曬，還格外開恩比我要四分一分的蛋糕，我估計依個應該星期日無四分一分加配的。佢地好貼心地了解客人需要，加上彈性處理的手法，令我十分驚訝🙀⋯⋯感動萬分！講番個蛋糕🍰，我覺得好好味，不會太乾淨淨，加上個白色cream甜味剛好。食完四分一份量，剛好飽了，好彩無比成個我咋下次我要同朋友嚟食番一個先夠滿足，最重要價錢好貼地。