Video
Read full review
2015-04-03
1002 views
約左一班閨蜜大談心事，所以一定要坐得耐，就去左巧明街碰運氣。搵左幾間最後中左上尼八月天，一入去已經比個裝潢吸引住，色彩繽紛，光猛舒服，好有春日氣息~~(一直好唔中意較到燈光好暗既cafe,好似唔知點咁)坐低之後老闆好好人，知道我地未齊人完全無催我地落單，幫我地"針"埋檸檬水，咁我地就叫住雞軟骨食住等。雞軟骨新鮮炸出尼熱辣辣，仲好juicy又唔會太鹹，好食過放題同板x嗰啲多多聲!等到落單，成個正式西餐set 200有找，唔算最平但完全物有所值沙律啲蝦煎過但唔算好出色，不過醬汁一流~餐湯甘筍湯味濃，連本來唔食紅蘿蔔既閨蜜都覺得好飲餐包一定要大讚特讚!焗過既法包，唔係蒜蓉但係個醬又係異常美味，可見廚師真係有心思我叫左既main course 係蝴蝶型燒春雞，雞肉味濃仍然juicy, 馬上切幾舊分尼食，配菜同芥末擺法都好有心思，bbq sauce 就不過不失啦~~最後甜品叫晒四款尼試，意式奶凍，米糠布甸，焦糖燉蛋，心太軟個人極力推薦奶凍(牛奶味重又滑)同心太軟(採用黑朱古力岩我口味)至於飲品就要左姜蜜，夠養生哈哈傾談之下知道大廚係澳洲做過廚師，水準一定有保證，而且店員態度好親切窩心，雖然我地得
坐低之後老闆好好人，知道我地未齊人完全無催我地落單，幫我地"針"埋檸檬水，咁我地就叫住雞軟骨食住等。雞軟骨新鮮炸出尼熱辣辣，仲好juicy又唔會太鹹，好食過放題同板x嗰啲多多聲!
等到落單，成個正式西餐set 200有找，唔算最平但完全物有所值
沙律啲蝦煎過但唔算好出色，不過醬汁一流~
餐湯甘筍湯味濃，連本來唔食紅蘿蔔既閨蜜都覺得好飲
餐包一定要大讚特讚!焗過既法包，唔係蒜蓉但係個醬又係異常美味，可見廚師真係有心思
我叫左既main course 係蝴蝶型燒春雞，雞肉味濃仍然juicy, 馬上切幾舊分尼食，配菜同芥末擺法都好有心思，bbq sauce 就不過不失啦~~
最後甜品叫晒四款尼試，意式奶凍，米糠布甸，焦糖燉蛋，心太軟
個人極力推薦奶凍(牛奶味重又滑)同心太軟(採用黑朱古力岩我口味)
至於飲品就要左姜蜜，夠養生哈哈
傾談之下知道大廚係澳洲做過廚師，水準一定有保證，而且店員態度好親切窩心，雖然我地得四個人，但佢見我地擺到成檯野，就特等拉多張檯拍過尼，真係要讚!
睇左咁多年openrice 為左八月天第一次寫食評，希望咁有心既餐廳真係可以keep到啦!
Post
