港 (Closed)

知道呢間”港”重新裝修過，經過左幾次都未有機會試。今日難得放假，終於可以和朋友一齊黎試下！呢到啲店員主要都係外國人，有一兩位識啲廣東話。佢地非常熱情！又會好體貼介紹餐牌比我地。但好驚訝的是，餐廳卻有好有香港本地元素和特色，例如餐牌設計、食材、餐具同埋餐廳所播映嘅港產電影。餐牌好有心思，好本土。避風塘芝士蟹腸粉呢道菜非常特別，無諗過腸粉可以用呢種西式煮法加工烹調，而整個味道一啲都唔怪，反而意外地夾！芝士好濃郁，再加埋新鮮蟹肉，為本土的腸粉帶來另一種味道。蔥油餅 、 花雕雞肝醬雞肝醬帶有花雕嘅香味，搽上蔥油餅黎食，非常獨特。諗都冇諗過咁樣的配搭。好正！'港'式咸檸炸雞啲炸雞有好香咸檸味，好有香港特色！好親切。絕對係另一個成功的fusion嘗試。份量亦好足，三四個人食都夠。埋單500左右，絕對值得再黎！我地同店員都傾左陣計，睇得出呢間餐廳真係好有心去嘗試設計fusion菜式，擺左好多心機。好值得欣賞