立鮨 (金馬倫廣場)

Open Now

Now Closed

每次經過都好想試呢間立食壽司，但每一次見到條人龍都會放棄。今晚九點幾經過，可能已經過晒食晚飯嘅時段，難得唔洗等位就入咗去食嚕。一望到menu確實比個價錢嚇親，原來比我想像中平。佢杯綠茶更加係我係香港日本餐廳飲過最出色嘅，拍得住日本宇治嘅水準，忍唔住不停自斟自飲。見到好多人推介大滿足海膽特盛，所以平時好少叫飯嘅我地都order咗一客。真係無介紹錯，細細碗仔舖滿海膽，佢嘅飯粒都有調過味，一啖飯再配以一啖海膽夾住黎食，真係無得輸！兩個人share啱啱好，仲有quota可以試其他野。另外要推薦嘅就仲有佢既三文魚腩壽司，啖啖魚香夠晒肥美，什麼膽固醇都唔好諗喇，食完先算啦！其他壽司都唔錯架，鰻魚唔腥燒得幾香，玉子就普通啦，唔算太有驚喜。整體上都算高質，唯一覺得可以再好啲就係紫菜太淋。不過我一定會再encore架，始終咁夜先食飯就唔敢order太多嚕，希望下次再去可以叫多幾款黎試啦！