楚撚記大排檔 (寶光大廈)

Open Now

Now Closed

想食大排檔，又想坐得舒服啲就會黎呢到 ，野食水準都有質素 。坐底先發現土瓜灣店有限定menu 。🥢避風塘鮮魷鮮魷夠厚肉又香脆，配埋啲炸蒜，超邪惡啊！🥢水煮花甲除左花甲，配菜仲有粉絲、雲耳、芽菜同蘿蔔。起初唔算太辣，但會越滾越辣，唔食得辣要小心，辣度大約中辣。當日啲花甲唔算大粒，勝在惹味岩送酒。🥢黃沙豬潤杞子浸時蔬見其他餸都重口味，捨棄左成日叫嘅啫啫生菜煲，改試呢款限定菜。浸菜既上湯都幾濃，娃娃菜又相當掛湯，好夠味。🥢豬油拌飯復刻版平時都會叫豬油拌飯，今次試埋新出既復刻版比較下。復刻版原來指固體豬油，空口試左少少，比平時液體狀豬油更濃香，加埋帶甜嘅豉油，無餸都可以食完一碗。🥢綠豆邊清心丸不嬲知道佢地有糖水送，但之前多數係蕃薯糖水，第一次遇到綠豆邊清心丸，點估到免費送既糖水都有清心丸！綠豆邊糖水唔太甜，清心丸好煙un，正！