茶木‧台式休閒餐廳 (Closed)

今日收咗工就同同事來到啱期待已久嘅小丸子茶木餐廳，好想試吓呢度嘅嘢食，咁就叫咗三個食晚兩杯嘢飲：小丸子番茄肉燥鰻魚飯周圍係番茄肉燥醬汁加上日式蒲燒鰻魚，一開始覺得鰻魚同蕃茄肉操醬點會襯配到呢？ 但食落原來又幾好 酸酸甜甜既肉燥醬汁幾開胃，而且造型討好，應該好多人都會鍾意。小玉南瓜海鮮魔法呢個以海洋為主題既主菜，一開始時都好好奇佢迷你南瓜當中會有放著什麼食物，原來有新鮮加拿大龍蝦尾、智利藍青口、鱸魚等材料好足， 加埋佢個南瓜醬汁唔單止野味亦唔會好膩，旁邊亦炸花枝丸及蔬菜，可以令主菜更有營養之餘蘿蔔等裝飾令到菜色相很好！小丸子熱香餅我諗係似海灘嘅賣相，藍色奶蓋醬同餅乾碎嚟扮海同沙灘，感覺有驚喜，好唔捨得食，再加士多啤梨、香蕉、奇異果粒粒，味道層次不同 ， 但卻有滿足感！花倫玫瑰咖啡拿鐵呢度嘅玫瑰咖啡個咖啡味唔係話相當濃但玫瑰味卻很香，好適合大眾食客！爺爺抹茶歐蕾呢個抹茶有驚喜，佢唔係話好甜但抹茶好香嘅味道好啱不重口味既人！最後呢度全間鋪頭都佈滿小丸子嘅裝飾令到喺繁忙嘅工作生活中可以有忙裏偷閑同埋搵返童真嘅回憶，整體來講都非常之滿意 必定會再試！