竹虎京堂

Open Now

Now Closed

早排見到網上面唔少人介紹，同埋亦都有唔少網媒提及呢一間新開嘅竹虎京堂。位於megabox內嘅竹筒飯專門店尸，主打日式懷石料理，睇過唔少介紹都感覺幾吸引，於是我同朋友一齊去試下。環境都算坐得舒服，唔會太迫，不過堂食就有加一服務費，而喺出面食就唔使。同朋友各自點咗一個定食，而我嗌嘅就係元貝仔竹筒飯，跟咗五個前菜同埋茶碗蒸，非常別緻，尤其是前菜好多款式，有帶子裙邊、蜆、枝豆、涼拌水母海帶等。食物嘅味道都相當唔錯，尤其係竹筒飯熱辣辣，元貝仔好鮮甜，不過最令我深刻印象嘅都係個茶碗蒸，啲蛋蒸得好滑，味道好好。