Video
Read full review
2008-02-25
24 views
十月天的慶祝地點是....... 火井都講過好多次來呢度食，見0係中環於是搭廿蚊的士上來西營盤屈地街打個邊爐﹗麻辣窩，工友話一0的都唔辣，我就覺得一0的都唔麻，行貨野﹗今晚飲新寶啤酒﹗無問題幾好飲喎﹗呢度名菜醬爆鯊魚丸，48蚊，食唔到佢\同普通魚蛋有咩分別？鯊魚何在？入面油淋淋似係0的免治豬肉碎﹗工友劣評﹗大蜆﹗新鮮好味，份量也不少﹗肉質仲好鮮甜呢﹗唔洗蘸醬油入口都好正﹗牛肉粒，厚切有咬口，不過可能細粒得濟食唔得出牛味﹗都係一片片岩我地多0的﹗叫多個招牌牛脊肉，不肥入口好有牛香，鮮嫩又薄切一灼即食好正﹗不過未到入口即化無渣0個種感覺﹗最開心係睇左周星馳既審死官，人生都算第一次出街睇哂成套周日影院，由頭睇到尾仲要緊張到廁所都唔去住﹗哈哈﹗
都講過好多次來呢度食，見0係中環於是搭廿蚊的士上來西營盤屈地街打個邊爐﹗
麻辣窩，工友話一0的都唔辣，我就覺得一0的都唔麻，行貨野﹗
今晚飲新寶啤酒﹗無問題幾好飲喎﹗
呢度名菜醬爆鯊魚丸，48蚊，食唔到佢\同普通魚蛋有咩分別？鯊魚何在？入面油淋淋似係0的免治豬肉碎﹗工友劣評﹗
大蜆﹗新鮮好味，份量也不少﹗肉質仲好鮮甜呢﹗唔洗蘸醬油入口都好正﹗
牛肉粒，厚切有咬口，不過可能細粒得濟食唔得出牛味﹗都係一片片岩我地多0的﹗
叫多個招牌牛脊肉，不肥入口好有牛香，鮮嫩又薄切一灼即食好正﹗不過未到入口即化無渣0個種感覺﹗
最開心係睇左周星馳既審死官，人生都算第一次出街睇哂成套周日影院，由頭睇到尾仲要緊張到廁所都唔去住﹗哈哈﹗
Post
