扒王之王 (Closed)

今日去了青衣城標榜潛水艇feel果間鋸扒，一去到帶位果個已經唔多啋人，等一陣先帶倒入座，原來重有大把位。點了一份牛扒并鵝肝，一份"極黑"扒，加多個田螺。一來餐湯同餐飽都凍的，想叫人時只見一個二個走來走去，心想不太難入口就算喇。稍後田螺到，竟然倒埋一堆，薯蓉爛蓉蓉一pet，盛載碟黑的，實在接受唔倒，叫人換，侍應竟在我面前驗屍咁睇，之後死口死面走，全程無講一句！隔一陣，只係將田螺排番好，又係果隻碟！跟住"極黑"扒，標榜幾好幾好，食入口又鞋又乾，大X樂焗扒飯都好過佢！另一份牛扒并鵝肝，講不上好食，只能入口，但配菜竟只得四條荳角，五條小蘿蔔，十多粒粟米！期間只見侍應們都死口死面，木無表情，重聽到一個四眼女侍應同另一男侍應講：頭先個客幾仆街.......................埋單時竟要了三佰五十多元！大佬呀，我使三佰幾食一肚氣，唔知係呢間賺夠唔志在，定侍應撈厭，總之我就以後打死都唔會再去！