扒王之王 (Closed)

臨近X'mas,很多商場都有漂亮的佈置, 這次選擇了青衣城. 順便在那裡吃dinner. 今年的主題是古怪屋. 位於青衣城的扒王之王配合了青衣城商場的主題 "船" 作設計,環境不錯,樓底有幾層樓高加落地玻璃.點了一set 全dinner. 有頭盤, 湯, 主菜, 甜品和特飲. 都算豐富. 每道菜都有選擇.頭盤: 選了焗薯蓉蝸牛, 薯蓉軟滑, 整道菜味道香濃湯都是一般的西湯,不多說主菜: 奧華利牛柳, 我喜歡熟D, 8成都不tough, 老公點了牛肋骨扒, 無骨的, 肉質都不錯,只是味道比頭盤淡了很多. 太淡了. 配菜薯仔油膩了, 看似食油用了很多次. 不過, captain 解說是廚子做漏了一個程序, 不是食油不好或翻作多次. 他們會注意. 甜品: 我選了ice-cream. 但有點後悔. 因只有芋頭味, 沒有其它favour. 本人最不愛芋頭味. 如果想去扒王之王, 這間應該環境最好. 不過卡位椅子有破爛

同 5 位朋友睇完<清明上河圖>，原先打算去東涌飲茶，有位朋友建議去青衣食下午茶，因為佢買咗機場快線來回優惠 $42，去博覽館一程已經扣除 $42，佢唔想益咗地鐵，所以堅持搭機鐵，仲叫我哋 5 人陪佢，我哋無人睬佢；結果我哋走去搭巴士！之後，大家再聯絡。真係無佢付！哈哈！呢間舖環境清幽不在話下，店內人煙稀少，對住個海，真係心情舒暢！青衣城以 marine 為主題，呢度都唔例外！同樣以潛艇作裝飾！亦有假船員，做得維肖維妙！好像置身海洋館！估唔到扒王之王嘅下午茶餐，廿幾 $ 已經有交易，比我預期抵！不過，要加一！下午茶選擇超過二十款，有沙律、湯麵、意粉、飯...等等！有位朋友叫咗煎魚柳配沙律，有兩塊煎得金黃嘅薄身魚柳、配上以薯仔、紅蘿蔔、青瓜等切成粒嘅沙律，見佢食得好滋味！而我呢，就叫咗吉列豬扒湯意 $25 + 熱好立克 $3吉列豬扒湯意即叫即炸，金黃鬆脆！肉質美味！加上不少粟米粒及少紅蘿蔔段，不過意粉爽身，食落麻麻地！熱好立克已為我加糖，好甜！ 我通常飲好立克係唔加糖，呢度實在多此一舉！

令人費解! 食既野唔講, 真係好普通, 偏貴, 性價比奇低問題係班服務員, 好似去左旺角銀龍甘個個都粗聲粗氣, 同甘靚既裝修比較下真怪最怕佢地懶快甘半跑狀態地上棻, 真係好危險此餐廳經常有位, 不無原因市場竸爭甘激烈, 如此服務質素, 令人費解!

企左係門口勁耐都未有人帶位環境好靚，亦望到出面海同天友人點左Set Lunch 肉眼牛扒味道不知所謂，仲衰過大家樂早餐...再加錢要左個焗田螺，估唔到田螺黎既速度快過餐湯凍檸茶走冰，依然好凍熱咖啡，難飲...加糖，都難飲...再加糖，都...唉~放棄唔飲另點左個Set Lunch加錢轉左為極爽黑豬友人與我都讚譽，真的爽口，又好味......比牛扒好食、更勝於一般食既雞扒、豬扒添啦

今日中午在青衣一帶活動。活動過後，大伙人到了青衣城找個食店下午茶，本想隨意到麥當奴大家樂等快餐店，但周末人多，我們一行十四人要找到位置的確有點難度，最後輾轉來到尚有大量空位的扒王之王。此扒王之扒與其他分店有點不同，以「潛艇世界」為名，樓底特高，牆上掛有潛水員及珊瑚魚的圖案，旁邊除了以甲板上兩個船員作裝飾外，還放有一艘巨型潛艇，形造深海環境的效果；而且日間借助巨型落地玻璃用上天然光，環境舒適，亦不覺擠迫，感覺不錯。 除了扒類，這裡還有中西式下午茶選擇，魚柳沙律、炒飯意粉，連港式餐蛋麵等也一應俱全。由於小弟連午餐也沒有吃，所以點了個較為飽肚的意粉。 鮮雜菌炒自然豬背柳意粉：誇張的菜式名字為此店一大特點，小弟當然沒有太大期望，其實只是磨菇汁豬柳意粉。豬柳略略煎香，肉質略為粗糙，但味道倒不錯，而且有五至六片，份量也比預期的多。醬汁為一般燒汁，加入磨菇片、甘筍絲及椰菜絲共煮，味道濃郁惹味，也不會太鹹，很好。最後的意粉軟硬適中，份量也比一般的下午茶餐為多。整體來說不算太突出，但也不錯。 服務方面，店員雖說不上笑容可掬及太殷勤，但態度尚可接受。早期的扒王之王以貴價牛扒作招徠，甚得口碑；但後來質素每

前晚同左女友去左呢間店食晚飯,叫左個美國西冷同新西蘭肉眼,一上菜己經知錯了,我地叫左7成熟,一切起碼有9成,完全冇肉汁,我諗大家樂都好過佢,咁o既質素,竟然可以開更多分店,呢個世界真係怪.佢地d小二亦都有d離譜,佢地攞住d扒行過時,d油會係咁彈落周圍o既客到,呢點真係唔可以接受.

青衣城的食肆大概都給我們食勻了！是晚跟朋友有點東西傾，想找個坐得舒服點的地方邊食邊傾。兩條麻甩佬，冇理由去食法國菜吧；吃中菜又唔太想，最終都係選了扒王之王。看著餐牌，恕我孤陋寡聞，被其又銀級又黑級的扒弄得一頭霧水，其中見到的是世界上最貴的牛扒，一生人必定要試一次的字樣(實是美國極黑牛來的)，感覺幾搞笑。反正只是$208，已包餐湯、沙律及飲品，就這個吧。先是餐湯，白湯，起碼夠熱，材料尚算豐富，收貨了；但沙律菜的感覺就不太新鮮，只吃了少許。我的美國極黑牛，牛帶點肥，脂肪的部份豐腴，但其餘的部份就稍稍韌了，要花點力氣才能把它完成，而且沒什麼肉味；朋友的9M牛，好鬼厚身，比我的面皮還要厚。偷吃了一小塊，感覺如像吃牛腩，真奇怪。朋友則吃得一頭煙。這地方勝在人客不多，晚上任坐唔嬲，方便傾計，大家也在此餐達成了小小的共識。飲埋杯熱檸茶，係時候回去。

呢一日係紅日" 好晏起身....就老豆諗住落樓下食飯去到扒王之王見到$4X就有BEEF STEAK 都幾平, 入左去食員工服務OK ,可見當日他們好BUSYSTEAK吾錯,D 汁本人認為好好味, 好香

差不多有成年幾兩年冇幫襯過扒王, 因為覺得佢d扒越來越貴, 以百幾二百蚊既價錢來講, 市面既選擇都好多, 唔一定要去扒王.點知今次幫襯過後, 真係唔想再黎食飯. 食飯除左d野要好食, 食得開心都好重要. 食物方面我冇乜意見, 個環境裝修都幾有氣氛, 可惜d待應真係拉低哂個分數! 見親d侍應都口黑面黑, 落order好似對客落命令咁, 連門口經理帶位都好似落命令咁叫我地坐去果邊張枱! 係咁既情況下, 又點會仲有胃口呢?我唔係要求頂級服務, 只係唔想d侍應影響到我既胃口, 食餐安樂茶飯者!好彩今次淨係點左最平既扒餐...

尋日落左堂同幾個同學黎呢度食，想叫人落單既時候。佢唔知係唔係玩野定點，佢好似答非所問。我話要薯菜，佢就問我要咩湯。我心諗，可能會落錯野都唔定。黑椒牛扒佢真係黎錯左，薯菜變左個意粉。牛扒無乜特別，都係咁既味道啦。但最不滿既都係個叫Jan既態度。佢真係好差。話說黎左個牛扒配意粉之後，我話我要薯菜既。點知Jan話我係配意粉既，佢就俾番薯菜我。當然，薯菜係凍既。不如唔好俾我啦。之後，唔知點解有人發脾氣拍哂。呀Jan就去應佢，我聽到個客話我認得你，你態度好唔好...點點....。果然，係有前科既。我而家覺得澳牛既服務態度仲好，平過扒王又飽肚。最小都有基本既禮貌。

青衣城食肆話多不多，話少又不是好少。不過今次我們午餐著陸地點，是扒王之王，"幸運"的是，這分店是扒王在港九新界咁多分店之中於貴網的喊評數量是排頭二的ABC午餐索價42-47不等，我正苦惱選什麼餐時，附近的吱吱咋咋聲似起彼落，原來中午也有鐵板餐的呢﹗老友說鐵板餐好少地方有得吃，著我一試。那我就要了龍利柳雞扒鐵板餐(亦可選碟上既~)，服務員問我要什麼汁時，其實我想問可否不要汁?(汁汁是肥美的東西)，但看著她那有點不耐煩的樣子，我也乖乖地說要洋蔥汁>.<紅湯溫度是超HOT﹗味道不錯，起碼最基本的酸酸甜甜都足夠，而菜都有幾啖既，不過個牛油餐包不夠軟熟，而且翻叮左不只一次吧，外層都乾巴巴了。鐵板亦隨即送上，但醬汁並不是額外跟上，是由服務員拿成個水壺來，然後叫你拿起張紙巾遮住後，快手淋上肉上面去了，想要小汁也叫不住...待鐵板吱吱咋咋後，香氣撲鼻，非常吸引。雞扒又厚又大件，但肉地一樣可以好嫩滑，龍利柳也是大大塊，魚肉亦滑，而且用了少少蛋汁煎起，份外香口，陪菜有幾條薯角和栗米粒，以48元一個鐵板來說，算係咁了。最後的熱檸茶極度難飲，茶苦檸檬澀。這間分店店外環境確實很美，而服務員全無笑

很久沒有來幫襯,昨天晚上我們一共點了三個套餐什扒$76,龍利柳拼厚切豬扒$86,法式燒羊鞍$118我叫的羊鞍最遲來,味道OK啦,但很細件其他食物味道麻麻,蒜茸汁很咸晚上7:00咁早便沒有得叫跟餐加$18的蟹肉釀蟹蓋,真離譜/搵笨轉餐凍飲朱古力要加$3,反而轉其他凍飲又不用加錢喎服務態度ok啦,,相比起xx堡,這間集團的價錢貴很多

跟本應該叫佢唔好做啦… 我之前都黎食過一次是叫羊架，味道還可以食落肚…今次我和女朋友一起到餐廳，落了一個牛骨扒(T骨扒個類)和一個肉眼扒，但是待應說那一種沒有入貨了，所以選另一個肉眼扒…她說這個餐雖然貴一點，但是有紅酒跟餐，所以我們便了待應說牛骨扒要幾多成熟(她說最少要七成)我要了八成熟，肉眼扒就點了六成熟。等了一會兒(5min~10min)到了，肉眼扒變了八成接近九成熟同柴沒有分別，牛骨扒得六成熟有血水浸出， 我發覺他們連自己都唔煮了幾多成了…同時兩個牛扒一點牛肉味也沒有…還有一種雪藏味道… 不知所為最後叫了餐飲時，她才說紅酒因為過了食用期所以沒有了， 一間食店飲品到了期不是一種籍口，如果牛扒過期就無得賣嗎?大家有機會都唔好去試啦~~~火火火火火……

呢日同幾個同學黎呢度食飯，扒王都唔知幾耐無食過啦。呢日既下午都唔算多人既，我地叫左個午餐食，都係四十幾蚊到啦。紅湯始終都無乜期望，所以都無失望。都係好淡好淡既蕃茄味，同埋唔知有幾多既菜。個餐包就唔夠熱，牛油都溶唔哂。黑椒牛扒比我預期既大塊同幾好食既。牛扒算幾有肉味，又唔會煎得太乾。基本上都合格既。個黑椒汁就唔會太鹹，但又唔算特別既。凍奶茶平時就奶多過茶既，呢次就茶多過奶。我忍唔住叫佢俾勺花奶我，加左奶就好小小啦。野食都唔差既，但談不上好食。而服務都一般啦，唔知點解我坐既位好凍，但又唔係風口位黎架。

同男朋友去完廸廸尼...於是出返青衣城食dinner...點知就出事啦...男朋友食鐵板西冷...我就要左個鐵板一大口牛柳...等左5-10分鐘左右...男朋友既西冷就到左...但..我地連湯同餐包都未有....咁同個waiter講...好在送湯黎個waitress都仲識講唔好意思...算!但個西冷真係唔多掂...上碟成塊豬肉咁...又薄...又overcook...男朋友仲話大x樂仲好食過佢...而我個牛柳呢...等到我男朋友差唔多食完都仲未黎=.="一催就上枱...(咁點解要我等咁耐?)最好笑既係...佢竟然無薯菜...大佬呀...成個鐵板得d牛柳同幾塊洋蔥...有無咁健康呀....叫左個貌似senior既人黎問...佢話：一大口牛柳呢個餐係唔跟薯菜請問呢個係咩道理呀!!我食過呢個餐3次...次次都有薯菜...(沙田希爾頓中心同瀝源分店都有)你同我講話唔跟餐飲又要叫兩次先送黎...仲有d waiter好似趕收工咁..我地仲食緊佢竟然黎換聽日午餐既menu牌...又食食下拎去個candle...真係好差囉d咁既服務態度...唔怪得青衣城9點幾都仲係間間要等位既時候..佢就大把空位啦!