小男孩 (Moved) New Location

朋友搬到美孚，呢日要入去搵佢攞酒，如無記錯呢次應該是第一次到美孚吃飯吧﹗地點就係呢間小男孩，7:15pm來到，人影都無隻，全場得我地一枱客，咁既環境點做落去呀？睇menu價錢也不便宜，百幾蚊一個set dinner，如要帶酒就收100蚊corkage或者人頭食滿$250，很懷疑一個人點會有可能食到呢個價錢，唔通要食幾個扒？自己就點左個set，前菜要左炸墨魚餅，墨魚餅一碟三件，熱辣辣即叫即炸，貌似麥樂雞，脆皮內是軟熟的墨魚膠，要讚的是啖啖也充滿墨魚粒，彈牙有嚼勁，味道不錯﹗友人試了田螺，也是一客三隻，味道是不過不失吧？佢地都無咩評語﹗湯要左羅宋湯，可以話係半湯半菜，足料香濃。特別一提是個麵包，焗得熱辣辣香脆，好食﹗主菜我點左茄汁海鮮意大利飯，一上枱聞落很香，茄汁味亦較得鮮甜，配料亦豐富有蝦、帶子、藍青口及三文魚粒等，可惜略嫌佢過濕，而飯身亦煮得太腍沒有了那意大利飯的粘軟感覺，欠缺了精髓，再好的配料也沒用，只可評為緊緊合格了吧﹗友人的紅酒牛尾就煮得又腍又香，自己食完仲點多個比女友添，睇黎牛尾靠得住﹗星期日至四晚飯套餐買二送一，呢個安排為佢加番少少分，4個人share番一人都係百二蚊左右，吃