君祿海南雞

Open Now

Now Closed

廢話不多講，試左 - 冇骨海南雞飯 ，飯要了黃薑飯，另附有一個紫菜湯，兩款醬汁，打開享用，黃薑飯面上還有一粒車厘茄和 一片青瓜，左面有一大行薑蔥蓉，目測不同一般燒臘既薑蔥蓉，蔥粒特別幼細均勻之外唔多見有薑。先試紫菜湯，紫菜是切成幼絲形狀的，帶咸味但不咸，對我來說附湯是bonus一向不考慮味道，功能性可以補充一點纖維。雞有約6-7塊大小不一的，入口，不鞋不死實，己經加分，肉質算嫩滑偏淋，雞味唔算話明顯，唔好諗住廿年前你媽媽街市買隻郁既新鮮雞整白切咁既鮮香。但食得出一定唔係雪好多日果種，重點是冇骨啖啖肉吃得非常爽。部位主要係雞胸同埋雞脾部分起出來既肉，好過一般燒臘檔果種鞋死實。兩款醬汁一款是泰式甜酸汁，甜酸幾明顯，可以間中沾落雞肉轉換一下口味，不過戒糖或生酮既人慎沾，一款未有機會試，因為家人以為是豉油拿走了。。黃薑飯唔油有淡淡香味，帶咸味但唔會死咸，薑蔥蓉都係比較清新唔會死咸，比我印象，廚師控制唔過咸唔過油非常到位，很適合偏好raw food健康清淡口味既人，最後吃埋車厘茄青瓜，一粒一片質素都唔hea，感受到呢間店幼細之處。呢區外賣呢個價錢質素，低調地吃吧，下次會試其他。