Video
Read full review
2019-06-27
177 views
今日約左好姐妹出黎食下午茶傾下是非八卦本來想去THE ONE 4樓個間日本過江龍PANCAKE專門店，但居然個熱潮仲未減退，仍然KEEP住有長龍排隊。於是就決定去DAZZLING CAFE踫踫運氣果然比我哋想像中少人，等咗大約二十分鐘就可以入座。侍應本身話如果選擇坐外圍嘅位置就可以即時入座，但外圍位置會俾好多等位人仕望住，於是決定等多陣揀住入面。入面嘅座位都唔算太密，尚可以接受，不過就左右隔離傾緊乜都可以聽到一清二楚但香港地好多餐廳都係咁架啦，都不能要求更多由於我哋都唔算肚餓，係志在搵個地方坐低傾下計，所以只係叫咗兩款嘢食同埋兩杯飲品 (留意返，餐廳限定每人一定要叫杯飲品，叫嘢食唔計)餐廳人手就好似唔太足夠，見到好多客人舉手都應唔切，餐點都係廚房位置堆哂出黎都無人送餐，睇黎餐廳要注意下呢一點。【甜蜜派對蜜糖吐司】吐司頂層有一球雲尼拿味雪糕、士多啤梨醬、吉士醬，而蜜糖就加咗係吐司入面再烘熱嘅。吐司好厚但帶點鬆軟，溫度屬於微暖，加上蜜糖甜味同香氣，唔點任何配料都好好食配合埋雪糕或者吉士醬都非常唔錯，啱哂所有無甜不歡嘅人仕呀【和風BBQ豬排三明治】三文治內裡嘅豬扒係新鮮炸起，豬扒唔係全瘦而係
本來想去THE ONE 4樓個間日本過江龍PANCAKE專門店，但居然個熱潮仲未減退，仍然KEEP住有長龍排隊。
於是就決定去DAZZLING CAFE踫踫運氣
果然比我哋想像中少人，等咗大約二十分鐘就可以入座。
侍應本身話如果選擇坐外圍嘅位置就可以即時入座，但外圍位置會俾好多等位人仕望住，於是決定等多陣揀住入面。
入面嘅座位都唔算太密，尚可以接受，不過就左右隔離傾緊乜都可以聽到一清二楚
但香港地好多餐廳都係咁架啦，都不能要求更多
由於我哋都唔算肚餓，係志在搵個地方坐低傾下計，所以只係叫咗兩款嘢食同埋兩杯飲品 (留意返，餐廳限定每人一定要叫杯飲品，叫嘢食唔計)
餐廳人手就好似唔太足夠，見到好多客人舉手都應唔切，餐點都係廚房位置堆哂出黎都無人送餐，睇黎餐廳要注意下呢一點。
【甜蜜派對蜜糖吐司】吐司頂層有一球雲尼拿味雪糕、士多啤梨醬、吉士醬，而蜜糖就加咗係吐司入面再烘熱嘅。
吐司好厚但帶點鬆軟，溫度屬於微暖，加上蜜糖甜味同香氣，唔點任何配料都好好食
配合埋雪糕或者吉士醬都非常唔錯，啱哂所有無甜不歡嘅人仕呀
【和風BBQ豬排三明治】三文治內裡嘅豬扒係新鮮炸起，豬扒唔係全瘦而係帶有少少肥，肥瘦相間，口感自然鬆軟無比
咬到仲好JUICY！豬扒搽咗一層燒汁醬同少少沙律醬，配合烘底麵包，估唔到呢度嘅咸食會咁高質
拌碟嘅炸薯條都係新鮮即炸，份量啱啱好，爭少少都食唔哂
另外，同姐妹叫咗仲夏熱帶水果茶 (凍) 同埋蝶豆花檸檬梳打
水果茶入面有橙肉、蘋果等什果，飲落有少少偏酸，如果叫熱飲應該會更加酸
而蝶豆花檸檬梳打就啱哂我朋友口味，因為我朋友係偏好酸味，佢話杯飲品完全係為佢而設咁
聽過好多人話餐廳一夠時間就會趕人走，但我同朋友坐到過哂鐘都無趕我哋走人喎
甜蜜派對蜜糖吐司
$98
49 views
0 likes
0 comments
和風BBQ豬排三明治
$105
47 views
0 likes
0 comments
Post
