龍鳳祥餃子館 (Under Renovation)

見呢期龍凰祥餃子咁hit,今日lunch特登去佐敦分店試下。店舖唔算大，大約有六七張枱。三個人點咗煎三鮮餃，九菜餃配酸辣湯底同一個牛犇麵。呢個牛犇麵個犇字原來讀奔，哈哈，門口見到有介紹呢個麵，見到個犇字咁特別，已好想試。碗麵果然係推介食物，牛肉很入味，完全唔韌，仲好有囗感，湯底好好味，一個字正。煎三鮮餃子的蝦好新鮮，又煎得唔太油，配埋個豆瓣醬好好味。至於個酸辣湯九菜餃都唔錯，三樣食物都好有水準，價錢又唔貴，真係唔錯。