Fleur (翩滙坊) (Closed)

星期日同朋友一齊去食lunch，去左間我地都想試既餐廳，要彼此訴苦慰藉一番。適逢佢有join restaurant week，book左1:00黎食，但一定要食佢既menu，$148+1/人，好抵食。是日餐湯係番茄湯，番茄打成蓉變糊狀，味道酸酸地，都大碗。Avo Lover (牛油果，自家製醃刁草加拿大三文魚，乾蔥牛油果他他大阪燒，溏心蛋，紅菜頭沙律醬，食用花)份量無因為Restaurant week而變少，一樣都甘足料，有三款牛油果，牛油果新鮮，最好食係乾蔥牛油果他他大阪燒，有大阪燒增添鹹香味，味道無甘寡，另一款釀左啲蝦係牛油果入面，都好食。Fleur Lover (鬆餅，忌廉，新鮮雜莓生果，堅果，有機楓樹糖漿，食用花)比想像中大份，鬆餅無沾到忌廉似食緊蛋糕，沾到忌廉就似食緊麵包布甸，賣相精緻得黎又好食，滿意。最後仲有布朗尼，焗熱既布朗尼溶溶地，唔錯。