麵 (Closed)

經過見到新開張就入去試下啦。舖內裝修設計唔錯，啲graphic做得幾好幾有特式，舖內整體環境都幾舒服。我揀左「特式檸檬雞湯烏冬」，除左雞肉同溫泉蛋，其他嘅配料都係蔬菜，整體感覺好健康，個湯感覺到係用左好多材料同時間煮出嚟，好滑，清淡得嚟濃厚嘅感覺。試完其他，我會再食返佢！第二次去，舖頭多左少少裝飾，幾有心思。呢次揀左「慢煮手撕雞炒金邊粉」，份量適中而足料，又有蝦又有溫泉蛋。有少少辣（我唔係好食得辣），但辣度我接受到，味道唔錯，唔會太濃，少少美中不足係嘅雞肉唔太入味（可能我冇撈埋啲汁），不過整體嚟講係幾好食！飲品方面，店員推介左個泰式奶茶，感覺唔錯，好飲過某集團式餐廳嘅奶茶！