千両 (Closed)

黎過幾次千両，去過幾間，最鍾意新太陽同九龍酒店呢2間，冇咁多人，每次去都唔洗點等位，之前幾次都係食晚飯，星期六約左朋友放工食lunch ，點知成2點幾先走，坐底已經3點，見到每枱都食緊定食，心諗唔通係lunch set 。坐底望下menu ，原來真係有lunch set ,我覺得好抵食，都係百幾蚊一個包埋飲品同甜品。朋友想吃牛肉烏冬，所以叫左炙燒壽司．牛肉烏冬定食，入面有一細碗牛肉烏冬，沙律，mini 蕃薯，炸薯餅，5件壽（鰻魚，帶子，蝦，三文魚，仲有一款我唔知係乜魚😂），所有野都好好味都好好味，野食送黎時D牛肉仲係生的，可能我地掛住講冇立即將D牛肉反入湯入面，我食個片仲未熟😆😆，D烏冬口感好彈牙，湯底好有牛味，壽司好新鮮，個炸薯餅剛炸好的。仲加左炙燒左口魚裙邊，炙燒黑椒三文魚同埋油金魚腩壽司，同明太子甜蛋。食壽司我一定要食左口魚裙邊，好喜歡佢肥味多油，千両呢個明太子甜蛋真的好好味😍😍😍飲品叫左荔枝果茶，都幾好飲。最後待應冇上甜品，但我地太飽，都食唔落了😂