媽咪雞蛋仔

Open Now

Now Closed

媽咪雞蛋仔喺香港好出名，甚至好多遊客都特登嚟食，不過我自己就未食過，以為好貴四五十蚊一底，今日行過發現原來都係廿幾蚊，就試試。啲口味冇乜特別想試，本身想叫原味，又覺得太普通咁，話晒人哋都有出咁多口味，於是就揀咗個朱古力味。即叫即整，要等等。雞蛋仔份量比我想像中大塊，連每粒嘅邊邊都有朱古力，所以比較難就咁撕開，都係直接咬。口感偏硬，唔係超軟熟個種，但好脆，每粒入面都有朱古力，好彩唔算好甜，又幾好食。下次會想試吓伯爵茶呢啲冇咁濃嘅口味。