鈺膳潮州菜 (駱克道) (Closed)

第一次食潮州野，感覺幾新奇。灣仔c出口一出就見到，非常方便👍🏻👍🏻呢度環境衛生，每個位都有公筷。幾岩同事一齊食野。呢度應該係岩岩開張，所以d檯櫈好新，坐得好舒服。牆上既字畫盡顯貴氣。🍁胡椒豬肚湯冬天恩物，辣辣地，飲完暖粒粒。豬肚好淋🍁壕仔粥真材實料，有肉餅、大量壕仔、鹹魚、冬菇，鮮味十足。一人份量兩個人食都夠🍁黃豆涼瓜排骨排骨整到好淋，份量幾多。🍁雙料蒸白鱔呢碟係我最推介既，白鱔肉厚肥美，蒜香好惹味。必點呀！🍁潮汕鼠殻粿外脆內軟，入面綠豆蓉好香果然係潮州特產。食完想encore。🍁滷水鵝片鵝片入哂味，唔肥膩。佢配埋醋比我地點，好開胃總結而言，環境好，服務周到。重點係地點方便。