香港地 (Closed)

表妹由大陸嚟香港玩，加上minipapa嘅爸爸都好多年無上過山頂，一於帶佢哋去山頂觀光。睇完杜莎夫人蠟像館出嚟已經下午茶時間，門口正正有間茶餐廳，客人絡繹不絕，我哋三個都決定坐低食返個tea先走。門口擺住嘅展板推介蟹肉竹笙翅撈飯，圖片個樣好吸引，無懸念，餐牌都唔睇了，點餐就直奔主題。15分鐘個餐就送到。米飯粒粒金黃色，但菜粒略嫌少，飯炒得比較乾身，但嚼落有口感。相對外面啲炒飯，味道偏淡。個蟹肉竹笙翅啲料好多，除咗翅，蟹肉同切片嘅竹笙，仲有蝦仁，鮮帶子粒，蜆肉，食落啖啖都好滿足，亦唔會感覺好結好似好多「欠」咁，入味得嚟又唔會覺得太鹹。非常醒胃既然係撈飯，一於將啲素翅淋上炒飯度。雖然碟炒飯對我嚟講，偏淡、略嫌乾同菜粒少顯得口感稍欠，但用素翅一拌，完全補救咗原本單調嘅炒飯，而且一濃一淡，一乾一濕，一寡一豐，化學作用配合產生驚喜，味道絕對升級，加分不少！我同爸爸兩個蟹肉竹笙翅撈飯都食得乾乾淨淨，粒米都唔剩！唯一美中不足係炒飯同個素翅都唔夠熱，只可以稱為和暖，但都可以接受。minipapa對於湯、羹、翅之類一向喜歡熱辣辣，尤其現在天氣比較清涼。表妹點嘅龍蝦湯叉燒意粉就回饋話略嫌失望，個太陽蛋係凍