蔥仔越南包

Open Now

Now Closed

本身好少食法包，就算係食，都係曾經食過某連鎖快餐嘅西式法包，即係配煙三文魚、碎蛋、吞拿魚之類嘅餡，都真係悶悶地㗎😫。最近喺OpenRice俾我發現咗呢間越式法包小店，而且佢嘅款式只係得一種，即係話老闆對佢依個味道好有信心，先至會得一款比客人揀。既然老闆咁有信心，我都對佢依款法包幾有期待㗎。🤤我係喺星期日嘅中午去既，去到先要攞個籌，小店店舖的骰，座位唔多，不過好彩老闆整好嘅時候，咁啱有位坐。佢嘅發包可以配餐湯同嘢飲，咁我就叫咗一個發包同埋一個餐湯，餐湯唔記得影，我記得係南瓜湯嚟嘅，本身唔好南瓜湯嘅我，都覺得OK好味喎😙，因為佢唔會係好溶好杰。至於法包，味道真係冇得頂呀😍😍😍，入面有扎肉、洋蔥、芫荽、蘿蔔等等嘅材料，味道酸酸辣辣，非常開胃，我同男朋友share左每人半件，如果非常肚餓嘅話，其實一個人都可以拍晒成條架🤣總括而言，我覺得依個發包係可以無限再encore，認真㗎！當日老闆唔知係咪有嘢做，啲發包買到下晝兩點已經冇貨啦，真係好誇張。😱