稻成 (新城市廣場一期)

Open Now

Now Closed

今次係第一次過黎食，一入黎個餐廳環境都好整潔好舒服，今日人比較少，經理就比張大台我地坐，非常nice。我地叫左個淮山小炒，小籠包同埋蜜汁叉燒，仲有個腐皮卷，淮山小炒係用紫淮山炒，個人過往對淮山既印象都係白色既，紫淮山真係第一次見，本以為味道會有差距，不過一食落去非常好味，完全唔輸比平時見到既淮山。小籠包非常好味！夾起黎個皮唔容易破，而且可以見到D湯係入面long下long下，呢個包小籠包既功夫真係非常犀利，味道亦比外面既酒樓好味好多。叉燒雖然出面好多地方都有賣，但係我食過咁多叉燒，呢個係我目前為止覺得最好味既一個，肉質緊緻又唔韌一咬就開，蜜糖味都非常入味，整體黎講非常之好。腐皮卷我就第一次食，味道都ok，好好味。成間餐廳既服務都好好，服務生既態度都好有禮貌，用餐環境都好整潔非常舒服，下次會再黎！！