Video
Read full review
2018-05-16
319 views
我同我老婆本來訂咗諾士佛台另外一間韓國菜，但係因為我們遲咗15分鐘，佢就唔俾位我地。我老婆有堅持話一定要食韓國冷麵，所以我的焗住要去我嚟個好幾次嘅石牆道。仲記得第一次去石牆道係我老婆嘅姊夫介紹我去。去咗第一次之後覺得嗰度啲嘢都幾好食，又晤係好貴，所以同過唔同嘅朋友一齊去食，同過我屋企人去食，亦都同過老婆去過食。不過今次同之前果幾次都有啲唔同，因為我哋好趕時間，九點幾要去睇復仇者聯盟。我哋差唔多八點半先至落單，唔夠40分鐘就已經食完兼離開咗間餐廳。我第一次食快餐嘅韓國菜。我哋同侍應講我哋趕時間，佢同廚房都非常合作，好快就上到菜俾我哋，而佢地嘅態度都非常之好，不論係香港人或者韓國人態度都好好。我見到佢地都不停手，非常之忙，但係態度都仍然維持到應有嘅水準。由於趕時間所以今次都冇食到韓國燒烤，只係每人叫咗一個冷麵，我就叫左一個辣嘅冷麵，另外叫咗一個海帶湯同埋海鮮蔥餅。加埋有14款嘅配菜，已經非常多嘢食。首先嚟嘅係冷麵，呢度除咗辣之外，仲有酸同埋甜，味道唔錯。啲麵好幼，麵質彈牙。如果要雞蛋裏面挑骨頭，我覺得嗰醬稍為多左少少。不過可能韓國人咁冷麵就係咁。整體來講，值得推介。呢度不嬲都係出名多配菜，
仲記得第一次去石牆道係我老婆嘅姊夫介紹我去。去咗第一次之後覺得嗰度啲嘢都幾好食，又晤係好貴，所以同過唔同嘅朋友一齊去食，同過我屋企人去食，亦都同過老婆去過食。不過今次同之前果幾次都有啲唔同，因為我哋好趕時間，九點幾要去睇復仇者聯盟。我哋差唔多八點半先至落單，唔夠40分鐘就已經食完兼離開咗間餐廳。我第一次食快餐嘅韓國菜。
我哋同侍應講我哋趕時間，佢同廚房都非常合作，好快就上到菜俾我哋，而佢地嘅態度都非常之好，不論係香港人或者韓國人態度都好好。我見到佢地都不停手，非常之忙，但係態度都仍然維持到應有嘅水準。
由於趕時間所以今次都冇食到韓國燒烤，只係每人叫咗一個冷麵，我就叫左一個辣嘅冷麵，另外叫咗一個海帶湯同埋海鮮蔥餅。加埋有14款嘅配菜，已經非常多嘢食。
首先嚟嘅係冷麵，呢度除咗辣之外，仲有酸同埋甜，味道唔錯。啲麵好幼，麵質彈牙。如果要雞蛋裏面挑骨頭，我覺得嗰醬稍為多左少少。不過可能韓國人咁冷麵就係咁。整體來講，值得推介。
呢度不嬲都係出名多配菜，配菜次次都有少少唔同。當然唔會少咗韓國菜嘅主角Kimchi。其他包括芽菜、薯仔、海帶、鹹魚仔都係常見嘅配菜。不過我想特別講一講其中一款配菜，就係大菜糕，可能你覺得大菜糕，一啲都唔普通嘅嘢，一啲咁冇味嘅嘢，點解咁講呢？但佢呢度個大菜糕，有芝麻喺裏面，再加上面頭有一啲紫菜，芝麻香味加上紫菜有啲油，配上唔係好多味嘅大菜糕，食落驚喜。
海帶湯，其實海大真係多個啲湯。個味都唔係好耐不過會想味道較為濃多醬嘅冷麵，令我感覺都有啲refreshing 嘅感覺。
海鮮蔥餅其實響呢度都食過幾次，不過唔知係咪因為今次冇食韓燒，所以個蔥餅一嚟到我哋就即刻趁熱食。佢有少少脆脆地，又有很好多料，所以食落去有意外驚喜。我仲同老婆講，哇未食過咁好食嘅海鮮蔥餅。
最後講下裝修同埋抽氣，個裝修係典型嘅韓國餐廳裝修，牆嘅下半部份用咗一啲淺色木圍住整個餐室，仲有一啲有韓國味道嘅假窗，同埋一幅疑似石頭嘅壁畫，但係就絕對唔係豪華。另外佢都有一個好大嘅戶外範圍，都擺咗好多張枱。不過唔知點解有個大嘅財神裝飾，我諗係新年之後都未拆。同一般嘅韓國菜館都係一樣，雖然冇食韓燒，但係出嚟嗰陣時成身都係油煙味。
結論
- 快餐，唔使40分鐘就食完
- 侍應不停手，非常之忙，但係態度都仍然非常之好
- 好快上到菜俾我哋食
- 推介: 辣冷麵、大菜糕(配菜）、海鮮蔥餅
- 典型嘅韓國餐廳裝修
- 有好大嘅戶外範圍，同埋好大嘅財神裝飾
- 同一般嘅韓國菜館都係一樣，食完嗰陣時成身都係油煙味
配菜
36 views
0 likes
0 comments
辣冷麵
$100
22 views
0 likes
0 comments
海鮮蔥餅
$150
6 views
0 likes
0 comments
海帶湯
$150
17 views
0 likes
0 comments
Post
