Video
Read full review
2023-03-23
116 views
中午同幾位朋友係長沙灣一頭搵野食，咁啱經過見到呢間餃子店，似乎都有D名氣，就打算試下。見餐牌上雙拼餃子比單拼貴幾蚊，而我地咁啱有幾個人，就每人叫一款單拼餃子，share住黎食。買外賣時店員通知煎餃要等耐D(15分鐘)，拎完已經急急腳行返公司食，結果等陣咁耐，食物味道居然有「驚」有「喜」，令人哭笑不得。餃子賣相都還好，大大隻，煎到金黃色，餡料都豐富。而餃子皮更加係真材實料，唔同其他店鋪追求既皮薄餡靚，呢間鋪頭講求既就係足料，連餃子皮都特別厚，令餃子更加有咬口，唔洗驚食唔飽。我地三人都叫左大份(10隻)，除左因為太難食之外，分量的確對得起價錢，最尾都食唔曬，我諗大家都認為唔會有下次。外賣有比到唔同蘸料，而餃子本身就無咩味，令人可以食出食材既原汁原味，話佢係0調味都不為過，連少少鹹味都無，難以想象咁大間鋪居然連兩粒鹽都唔落，實屬係夠曬健康，我諗連甲亢患者都食得。煎餃雖則煎到金黃色，但係完全唔脆，皮都軟曬，唔知道係呢間店既煎餃風格係如此特立獨行，別具一格，定係其實係我地既錯，中途用左10分鐘行返公司，焗到煎餃變蒸餃。至於餃子包法，雖則食餃子我呢D俗人一般都只追求味道，但係靚靚既食物外型的確可以
買外賣時店員通知煎餃要等耐D(15分鐘)，拎完已經急急腳行返公司食，結果等陣咁耐，食物味道居然有「驚」有「喜」，令人哭笑不得。
餃子賣相都還好，大大隻，煎到金黃色，餡料都豐富。而餃子皮更加係真材實料，唔同其他店鋪追求既皮薄餡靚，呢間鋪頭講求既就係足料，連餃子皮都特別厚，令餃子更加有咬口，唔洗驚食唔飽。我地三人都叫左大份(10隻)，除左因為太難食之外，分量的確對得起價錢，最尾都食唔曬，我諗大家都認為唔會有下次。
外賣有比到唔同蘸料，而餃子本身就無咩味，令人可以食出食材既原汁原味，話佢係0調味都不為過，連少少鹹味都無，難以想象咁大間鋪居然連兩粒鹽都唔落，實屬係夠曬健康，我諗連甲亢患者都食得。
煎餃雖則煎到金黃色，但係完全唔脆，皮都軟曬，唔知道係呢間店既煎餃風格係如此特立獨行，別具一格，定係其實係我地既錯，中途用左10分鐘行返公司，焗到煎餃變蒸餃。
至於餃子包法，雖則食餃子我呢D俗人一般都只追求味道，但係靚靚既食物外型的確可以令人增添食慾。呢幾份餃子大方展露佢實在既內裡，就算包裝盒一模一樣，都可以一眼睇出邊盒係咩味，大大咁方便左我地去分辨餃子。
睇相都見到呢幾份餃子同無包係無咩分別，只係將塊皮對摺起左，大大方方將餡料露出，簡直係返璞歸真既餃子包法。食左咁多年餃子，都係第一次見到我自己包餃子(包完會比阿媽鬧)既包法係一間餃子專門店出現，實在令人驚喜！😂
粟米豬肉煎餃、韭菜豬肉煎餃、白菜豬肉煎餃
6 views
0 likes
0 comments
Post
