燒肉 帝 (Closed)

話說今日老婆生日，見住左咁耐都未食過呢間野，又話有野送又話買一送一，咁就去試吓啦。去到門口知客好似唔憂做咁，問有咩餐，就求求其話C, D餐先有買一送一，詳情呢張野有。即係叫你自己睇，都冇問題嘅，價錢唔係特別平。簡單講，C餐冇和牛，D餐有，原價688一位。見係生日就試個貴架啦，一入去，帶左我哋去左唔係卡位，我見有好多張卡位枱冇人坐就要求坐，點知知客話，如果你想坐就要同人搭枱，中間有塊板。結果就同人share一枱卡位。到點餐，原來食係100任食，但係點餐就得60分鐘，即係叫你好叫定多啲。最後食到好飽。味道正常，啲和牛係切定未解凍。總括黎講，688一個人就一定唔會食架啦，宜家試左次買一送一都係建議唔使試。性價比太低，招呼又唔好。