蔦 (Closed)

蔦 貴為第一碗東京米芝蓮一星拉麵，佢哋香港分店都開咗一段時間，今日我終於到去咗尖沙咀海港城嘅分店一試。店舖唔算好大，但都可以同一時間容納大約20-30個食客。醬油味玉拉麵 - 因為加咗松露醬，除咗醬油味，仲有一份松露香味。叉燒同筍乾唔算太突出，有驚喜嘅反而係味玉。佢哋嘅味玉喺我暫時食過最好食嘅。燒烤梅花丼 - 豬肉用火槍燒熟。薄薄嘅肉片，滲透出好香嘅豬肉同豬油味。肉片肥而唔膩，非常之好食。整體來講，拉麵同丼飯都非常出色。