はま寿司

Open Now

Now Closed

教會後同陳皮妹速食佐敦はま寿司🍣，日本🇯🇵過江龍，第一☝️次去，原來攞咗飛都要隔個幾鐘，但即場攞飛反而5分鐘就入得，坐輸送帶位，用iPad入單，兩部機揀一部入，相對元氣起碼陳皮妹可以😌自己揀，陳皮妹揀蛋壽司🍣同鉄火卷，出壽司🍣快，一兩分鐘就有，唔洗火車🚄，turn over快。日本🇯🇵醬油5款任揀，我揀咗昆布醬油。蒜蓉醬北海道和牛壽司🍣$22，冇乜和牛味，比較凍。海膽軍艦$22，平霸，但感覺唔太新鮮，唔鮮甜。二重奏大切藍鰭吞拿魚🍣中拖羅$27，唔夠肥美。炙燒焦糖三文魚腩3貫$12，平霸，焦糖正，但加咗沙律🥗醬減分。玉子$12，陳皮妹揀同食。鉄火卷$12，陳皮妹揀但唔食。我口痕叫咗熱咖啡☕️$10，都唔錯👍🏻。最後甜品🍮叫咗朱古力🍫芭菲，有個兜載住喺運輸帶，但陳皮妹一拎就斜咗倒瀉🫗咗，兩球雪糕🍦喺衫袖度，最後攞返嚟食。臨尾埋單要㩒iPad結賬，再攞號碼牌出去櫃枱埋單，之後12歲以下可抽扭蛋一次，有壽司🍣。去厠所要登記電話📞號碼攞鎖匙🔑