燕萍越南餐廳 (Closed)

其實呢間同清亭既食物分別唔大，但呢到就坐得好好多，而且無清亭咁迫你order迫你走。所以我通常都會來間。呢度既食物都不錯，不過味精就好重手，食完好口乾。上個星期六下午3點幾來，無乜人，服務都唔錯。叫咗個牛油雞翼，今次比上次少蒜泥，但都好重蒜頭味，而且食完第二日啲味都仲係個口到。牛肉粉ok - 啲湯淡啲。不過叫咗個牛柳粒紅飯，46蚊，啲飯ok，但係啲牛柳粒就好細粒，似牛肉碎多個牛柳粒，跟本就食唔到係牛柳囉。而且啲汁好普通，點睇都唔值46蚊。其實呢到食野唔係咁平，可能係銅鑼灣舖租貴既關係。