Video
Read full review
2021-10-02
518 views
今日新嘗試黎食尼泊爾菜🤩印度菜間中都會食，尼泊爾菜就真係第一次試！平時好怕食印度菜會太重口味太咸，尼泊爾菜就相對地冇咁濃味，但一樣會用相似嘅香料，例如瑪莎拉、薑黃、孜然…等等，用料相似但風格完全唔一樣😮呢間小店係朋友介紹，叫佢做小店因為店面真係唔大，全店得3張檯不過都算闊落坐得舒服，今日嘅主菜係Momo，姐係尼泊爾餃子，外型望落有d似中式餃子、小籠包，外皮較厚，但隻隻都包得好靚，用嘅係天然色素，色彩繽紛，重即叫即整，原個蒸籠上，保證新鮮熱辣👍🏻*Hainanese Chicken Momo $98*估唔到尼泊爾餃子都會crossover海南雞，非常足料，大大舊連皮雞肉非常嫩滑，入面真係有飯架，撈埋d薑蔥蒜頭辣椒好惹味，真係食緊海南雞飯一樣，重有雞醬同薑蓉比你點，有驚喜😍😍😍*Fire in the Holes Lamb Momo $98*雖然餐牌寫呢款momo係super spicy，但冇我想像中辣到噴火嘅程度，紅色外皮包住一粒粒嘅羊肉，用料一d都唔馬虎，食落有咬口，唔似得用免治肉嘅餃子，重可以點薄荷醬/辣醬黎食👍🏻*Dynamite Prawn Roll $118*我地兩隻大食積初初
呢間小店係朋友介紹，叫佢做小店因為店面真係唔大，全店得3張檯不過都算闊落坐得舒服，今日嘅主菜係Momo，姐係尼泊爾餃子，外型望落有d似中式餃子、小籠包，外皮較厚，但隻隻都包得好靚，用嘅係天然色素，色彩繽紛，重即叫即整，原個蒸籠上，保證新鮮熱辣👍🏻
*Hainanese Chicken Momo $98*
估唔到尼泊爾餃子都會crossover海南雞，非常足料，大大舊連皮雞肉非常嫩滑，入面真係有飯架，撈埋d薑蔥蒜頭辣椒好惹味，真係食緊海南雞飯一樣，重有雞醬同薑蓉比你點，有驚喜😍😍😍
*Fire in the Holes Lamb Momo $98*
雖然餐牌寫呢款momo係super spicy，但冇我想像中辣到噴火嘅程度，紅色外皮包住一粒粒嘅羊肉，用料一d都唔馬虎，食落有咬口，唔似得用免治肉嘅餃子，重可以點薄荷醬/辣醬黎食👍🏻
*Dynamite Prawn Roll $118*
我地兩隻大食積初初怕唔夠飽重叫左一個尼泊爾蛋卷，份量夠哂兩個人分享，外皮有d似酥餅但唔油膩，蝦肉係炸過嘅但咬落仍然爽口，自家製嘅醬汁加上切絲蔬菜，辣辣地味道都幾夾👍🏻
呢度除左傳統嘅momo重有好多款crossover菜式，下次要叫多幾個人黎試哂咁多款呀🤪🤪🤪
Post
