Video
Read full review
2023-01-19
2489 views
因為tomfatki嘅一首歌，叫做點點心，為左食字，於是試咗呢間餐廳。由於對食物無咩特別期望，反而放大咗驚喜嘅感覺！😹私心推介Top3🥇蟹肉小籠包非常大粒，應該比普通小籠包大3倍，口感豐滿，肉質幾腍身，外皮夠薄！肉汁唔算超多，蟹肉都唔算多，但都係要訓身推介，因為一次食3倍餡嘅小籠包，你第度搵唔到；亦非一次食3個普通小籠包可以模仿！🤭🥈燒汁釀茄子係蝦滑釀茄子，蝦滑好爽好彈牙；茄子好腍、好多汁！有炸過，所以好香，偏油少少，不過唔區唔區，香口嘢少不免！最重點係佢個辣醬，香得嚟唔會死辣，仲混合咗蒜蓉，非常好味！🤤🥉燒汁虎皮尖椒好鐘意食整得腍身嘅尖椒，呢款完全做好，魚/蝦滑非常彈牙，口感豐富。燒汁偏甜，唔鍾意太甜可以沾少d汁。另外有個有趣位，一碟4隻椒，總會有一兩隻辣到飛起，俾到你扭蛋果份神秘感，我稱之為「盲盒尖椒」。👻唔好以為得呢三款好食，好多標準會嗌嘅點心，都比普遍茶樓好食；佢哋仲有d特色嘢，都係唔錯。係一間幾有心思嘅餐廳！🤫唉！睇番openrice紀錄，佢哋都執咗3間，宜家得番2間，建議大家撐一撐佢。🫡
私心推介Top3
🥇蟹肉小籠包
非常大粒，應該比普通小籠包大3倍，口感豐滿，肉質幾腍身，外皮夠薄！肉汁唔算超多，蟹肉都唔算多，但都係要訓身推介，因為一次食3倍餡嘅小籠包，你第度搵唔到；亦非一次食3個普通小籠包可以模仿！🤭
🥈燒汁釀茄子
係蝦滑釀茄子，蝦滑好爽好彈牙；茄子好腍、好多汁！有炸過，所以好香，偏油少少，不過唔區唔區，香口嘢少不免！最重點係佢個辣醬，香得嚟唔會死辣，仲混合咗蒜蓉，非常好味！🤤
🥉燒汁虎皮尖椒
好鐘意食整得腍身嘅尖椒，呢款完全做好，魚/蝦滑非常彈牙，口感豐富。燒汁偏甜，唔鍾意太甜可以沾少d汁。另外有個有趣位，一碟4隻椒，總會有一兩隻辣到飛起，俾到你扭蛋果份神秘感，我稱之為「盲盒尖椒」。👻
唔好以為得呢三款好食，好多標準會嗌嘅點心，都比普遍茶樓好食；佢哋仲有d特色嘢，都係唔錯。係一間幾有心思嘅餐廳！🤫
唉！睇番openrice紀錄，佢哋都執咗3間，宜家得番2間，建議大家撐一撐佢。🫡
Post
