順德公漁村河鮮酒家

Open Now

Now Closed

已經係第3次嚟到呢一間順德公漁村河鮮酒家食飯啦，男朋友屋企人好鍾意呢間酒家，每次同佢哋食飯，佢哋都係首選呢間酒家😍開心share吓今次我哋食咗啲咩👍🏻第一樣☑排骨蒸陳村粉〰排骨蒸陳村粉簡簡單單，好岩老人家食，陳村粉好滑，排骨仲要啖啖肉，陳村粉真係好食過普通腸粉好多，就連我都好鍾意食！第二樣☑椒鹽鮮魷〰鑊氣十足嘅椒鹽炒鮮魷，鮮魷嘅份量都幾多，而且爽口彈牙！第三樣☑西蘭花炒帶子王第四樣☑芥蘭炒豬爽肉〰男朋友屋企人叫咗兩個菜食，西蘭花同芥蘭都係我鍾意食嘅，西蘭花炒帶子王嘅帶子都幾大粒。豬爽肉啖啖肉之餘，仲要又幾爽口。餐廳嘅價錢都合理，最緊要係食物好好味，性價比嚟講都算幾高CP值，係值得一試嘅酒家。