請坐 (Moved) New Location

今日係假期後的工作天，放假的心情當然未完全退去，加上又下大雨，翻工的心情就更沈重，所以決定要食餐好！最終決定食呢間偏僻得黎又特別的清新cafe😍😍雖然行左好耐先到，但一切都係值得。一入到去，餐廳裝潢設計到好似藝術館咁，好文青feel。店員好細心安排我地坐2人台，跟住我地就order左2碗雞排麵，一杯珍奶同冬瓜茶。湯底有少少辣，但食得出係正宗台灣麵，雞排係新鮮炸，店員仲好細心俾左幾淡湯底我地試，confirm係承受到隻辣先落單🤗 到差不多食完個店員覺得我地都係食唔到隻辣，所以直頭送2碗鹵肉飯，真係好窩心，一次過滿足哂我想食飯同麵的願望😋😄😄埋單都只係70幾蚊，午餐真心抵食😋下次一定會再來！